- Како што известивме деновиве, по хрватските социјални мрежи за денес се организираше бојкот на продавници, трговски ланци и бензиски заради високите цени на храната и скапотијата.
- Даночната управа извести дека до 11 часот имало 40 посто помалку сметки во дуќаните а износите на нив, во споредба со последниот петок, биле помали за 47 посто.
- Медиумите регистрираат празни продавници а организаторите на иницијативата велат дека бојкотот бил поддржан и од добро стоечките.
- Бојкотот го поддржаа и министри а премиерот Пленковиќ за него кажа дека е тоа важна и артикулирана порака од граѓаните.
- Астронаутот Дон Петит на својот 70-ти роденден безбедно се врати на Земјата, по 220-дневна мисија на Меѓународната вселенска станица.
- Со руското летало „сојуз м-26“ во Казахстан се вратија и космонаутите Алексеј Овчинин и Иван Вагнер.
- Петит е еден од највозрасните астронаути што престојувал во вселената. Најстариот сè уште е Џон Глен, кој беше во мисија на НАСА на возраст од 77 години.
- Петит во својата мисија 3.520 пати ја обиколил Земјата. Тој на орбиталната станица спроведувал истражувања за тридимензионално печатење, напредни санитарни технологии, развој на растенија со различен пристап до вода и за однесувањето на оган во микрогравитација.
- Тоше Поп Симонов, еден од најважните луѓе на македонската музика, замина на 63 годишна возраст.
- Тоше Поп Симонов беше музичар, композитор, инструменталист, продуцент, аранжер, текстописец... ренесансно комплетен лик во музиката.
- Тоше Поп Симонов беше умен, писмен, начитан, мудар, добар, правичен, бескомпромисен во своите естетски и етички ставови и пресуди... ЗЕН мајстор во занаетот и живеењето.
- Тоше Поп Симонов беше другар, пријател, ведар, урнебесно забавен, брилијантен раскажувач, драгоцен соговорник во секаков вид дружење.
- Ќе ни фали многу. Многу.
