Во црква на ГПЦ во едно атинско предградие викендов биле крстени малите Алексиос и Елени кои се во родителска надлежност на геј двојката Евангелос Бусис и Петер Дундас.
Бусис и Дундас се познат геј пар од Грција и доаѓаат од светот на модата. Бусис има работено за Кавали и Готје а ја облече и Бијонсе за Греми наградите во 2017 година.
За ГПЦ ова е прво вакво крштевање а веројатно е прво и за целиот православен свет. Да се живи и здрави малите.
Големите политички непријатели – Зелените и крајната десница на чело со Алтернатива за Германија, со заеднички сили го оспорија договорот Меркосур за слободна трговија на ЕУ со Латинска Америка.
По 25 години преговори, ЕУ во саботата го потпиша договорот со Аргентина, Бразил, Парагвај и Уругвај, но тој нема да стапи на сила сè додека не го ратификуваат Европскиот парламент и земјите-членки.
Европскиот парламент вчера со тесно мнозинство од 334 спроти 324 изгласа договорот да биде преиспитан од Европскиот суд на правдата. За ревизијата гласаа сите пратеници од левиот блок, како и мнозинството од крајната десница. Конзервативците, социјалдемократите и либералите сега ги обвинуваат Зелените дека се „против ЕУ“, зашто гласале исто со АфД.
Десничарите го отфрлаат Меркосур заради заштита на европските земјоделци од нелојална конкуренција преку евтин увоз на производи со пониски стандарди.
Исходот од гласањето го прославија француските земјоделци, кои повторно протестираа со трактори пред Европскиот парламент во Стразбур.
