Вести › Набрзинка

Германската левица сака да одзема корпоративни станови во Берлин

10 ноември 2026

По победата на партијата „Die Linke“ (Левица) на изборите во Берлин, започнаа коалициски преговори за планот за преземање на над 160.000 приватни станови (претежно во сопственост на компанијата Воновија) во јавна сопственост, со компензација ограничена на 16 милијарди евра.
Левичарите се повикуваат на уставната одредба за „поопштествување“ но планот се соочува со жесток отпор од инвеститорите и најавата на канцеларот Фридрих Мерц за забрана на овој потет на федерално ниво.
„Домувањето е човеково право и ние сакаме да го одземеме од канџите на шпекулантите,“ изјави левичарската кандидатка за градоначалничка на Берлин.
Изборните победници се обидуваат да состават влада со идеолошки блиските Социјадемократи и Зелените а конзервативците ги обвинуваат за антисемитски ставови и блиски врски со кругови кои оправдуваат тероризам.

извор

Најмалку 12 загинати во верижни судари на автопат во Бугарија

10 ноември 2026

Најмалку 12 луѓе загинаа и десетици се повредени во верижни сообраќајни несреќи на автопатот „Тракија“ во Бугарија.
Во услови на исклучително густа магла во 7 часот наутро, близу клучката „Зимница“ имало два верижни судари – едниот во правец кон Бургас, а другиот во спротивната насока кон Софија.
Се судриле повеќе од 86 автомобили, камиони и автобуси. Некои се запалиле.

Десет лица загинале на место, а уште две починале при транспорт до болница.
Најмалку 48 повредени луѓе биле префрлени во болниците во Јамбол и Сливен, некои во тешка состојба, изјави министерката за здравство Катја Ивкова.

Во операцијата за извлекување патници од возилата и укажување итна помош се ангажирани и припадници на воените сили, со хеликоптери и транспортни авиони.

извор

Српскиот регулатор казни телевизија на која било кажано дека се глупи

10 ноември 2026

Советот на РЕМ (Регулатор на електронските медиуми) ја казнил Телевизија Прва со еднодневна забрана на емитување реклами заради навреда кој ја изрекол долгогодишниот новинар и уредник Миломир Мариќ.
Тој рекол дека членовите на РЕМ се глупави, дека за нив треба да биде отворено „школо за хендикепирани“ а алудирал и дека членот на РЕМ, Родољуб Шариќ, е алкохоличар. Тоа го рекол во неговата емисија „Ден на ден“ која веќе му е забранета.
Казнета е и телевизијата Курир, поточно две нејзини емисии, но главен улов на седницата на РЕМ треба да биде Информер и неговата понатамошна судбина.
Главниот во Информер, Драган Вучиќевиќ се пожали дека утринава кај него дошла полиција за да го одведат на судско рочиште на друга тема, за да не може денес да го брани медиумот од регулаторот кој е под силен притисок на Информер да му се одземе лиценцата за работа.

извор