- Германија од денес започнува со своја гранична контрола со уште пет европски земји - Франција, Холандија, Белгија, Луксембург и Данска. Мерката ќе трае минимум шест месеци.
- Лани почнаа да патролираат на земјените граници со четири држави - Полска, Чешка, Австрија и Швајцарија и сега сите нивни граници се покриени.
- Критичарите на ваквиот потег во Европската унија велат дека со вакви еднострани иновации се обесмислува заедничката Шенген зона.
- Сириски суд ги осуди на смрт соборениот сириски претседател Башар ал Асад и неговиот помлад брат Махер поради злосторства против човештвото и воени злосторства за време на 14-годишната војна во која загинаа половина милион луѓе.
- На двајцата им се судеше во отсуство. Откако при крајот на 2024 година бунтовничките сили стигнаа до Дамаск, Башар и Махер ал Асад избегаа во Москва. Се претпоставува дека сè уште се во Русија на тајна локација.
- Смртна казна му е изречена и на нивниот братучед Атеф Наџиб, поради командување со репресиите во јужната провинција Дера, кои во 2011 година го поттикнаа востанието што подоцна се прошири во граѓанска војна. Прогласен е за виновен за убиства, намерни убиства на деца помлади од 15 години и мачење до смрт.
- Генералот Наџиб, уапсен во јануари 2025 година, беше во судницата, заштитен во кафез и силно полициско обезбедување. Тој е еден од највисоките функционери од режимот на кои им се судеше за воени злосторства.
