Вести › Набрзинка

ЕУ отвора истрага за набавката на фон-дер-Лејен вакцините

20 октомври 2022

Канцеларијата на европското јавно обвинителство отвори истрага за набавките на ковид вакцини, најавувајќи дека фокусот ќе биде на на улогата на претседателката на Европската комисија Урсула фон дер Лајен во ова прашање.
Канцеларијата е независно тело на ЕУ одговорно за истрага и гонење на финансиски криминал, вклучувајќи измама, перење пари и корупција. Не прецизираат кој е под истрага, ниту кои договори за вакцини на ЕУ се под лупа, но две други агенции за набљудување претходно го привлекоа вниманието на еден конкретен договор кој вклучува контакти на високо ниво меѓу раководството на Фајзер и Фон дер Лајен. (Види: Првиот човек на Фајзер се уфуфка од сведочење).
Дмитри Медведен на својот Телеграм канал зајадливо запиша:

„Тетка Урсула фон дер Лајен некако купи 4,6 (!) милијарди дози вакцина против Ковид-19 од фармацевтската корпорација Фајзер за 71 (!) милијарда евра. Тоа се десет дози вакцини за секој граѓанин на ЕУ. Tаа е гинеколог, и шеф на некаква Европска комисија, а сега е и претставник на Биг Фарма. Храбра жена, не се плаши од ништо “, напиша Медведев додавајќи дека сопругот на фон дер Лејен „случајно“, работи во фармацевтска компанија.
Хеико фон дер Лејен од 2020 година е директор на американската биотек компанија Оргенезис која специјализира генски терапии.

извор

Русија предлага пактови за ненапаѓање со членки на НАТО

11 ноември 2026

Москва би можела да склучи пактови за ненапаѓање со членки на НАТО, како дел од идната безбедносна архитектура за Европа, изјави главниот руски преговарач Владимир Медински.
Оваа идеја била отворена на дводневните преговори во Абу Даби за крај на војната во Украина.
Дипломатот Алексеј Дробинин на безбедносна конференција во Москва изнесе три предлози за идната безбедносна рамка за Европа.
Првата опција е формирање на сојуз за колективна одбрана или склучување билатерални договори за заемна помош, слични на оние што Русија ги има со Белорусија и Северна Кореја.
Втората е постигнување политички договори за непомагање на противниците во случај на агресија – по примерот на пактот што Москва го има со Иран.
Третата опција се билатерални, заемни пактови за ненапаѓање. „Договори од ваков вид би можеле да се постигнат со поединечни земји-членки на НАТО, кои потоа би добиле дополнителни безбедносни гаранции од Русија“, изјави Дробинин.
Европски лидери се противат на каква било дискусија за севкупната безбедносна архитектура на Европа пред да се постигне напредок во однос на Украина. Американските посредници јасно ставија до знаење дека се отворени за таква дискусија.

извор

Паѓа продажбата на станови, растат оние под кирија

11 ноември 2026

Во третиот квартал од 2026 година бројот на продадени станови се намалил за 14 проценти, додека бројот на станови што се издаваат под закуп пораснал за дури 45 проценти.
Купопродажбите ја губат динамиката од претходниот период: од јули до септември годинава биле регистрирани вкупно 7.679 трансакции со недвижности, што претставува намалување од 8,2 проценти во споредба со вториот квартал.
И покрај силниот раст на закупите на станови, вкупната регистрирана вредност на закупите на сите видови недвижности е намалена за 10,2 проценти. Ова значи дека движењата во станбениот сегмент не се идентични со оние на целиот пазар на закуп. Додека кај становите има раст и на бројот на договорите и на вкупниот месечен износ на закупнините, кај закупот на сите видови недвижности вкупната финансиска вредност бележи пад.

извор