Вести › Набрзинка

ЕУ отвора истрага за набавката на фон-дер-Лејен вакцините

20 октомври 2022

Канцеларијата на европското јавно обвинителство отвори истрага за набавките на ковид вакцини, најавувајќи дека фокусот ќе биде на на улогата на претседателката на Европската комисија Урсула фон дер Лајен во ова прашање.
Канцеларијата е независно тело на ЕУ одговорно за истрага и гонење на финансиски криминал, вклучувајќи измама, перење пари и корупција. Не прецизираат кој е под истрага, ниту кои договори за вакцини на ЕУ се под лупа, но две други агенции за набљудување претходно го привлекоа вниманието на еден конкретен договор кој вклучува контакти на високо ниво меѓу раководството на Фајзер и Фон дер Лајен. (Види: Првиот човек на Фајзер се уфуфка од сведочење).
Дмитри Медведен на својот Телеграм канал зајадливо запиша:

„Тетка Урсула фон дер Лајен некако купи 4,6 (!) милијарди дози вакцина против Ковид-19 од фармацевтската корпорација Фајзер за 71 (!) милијарда евра. Тоа се десет дози вакцини за секој граѓанин на ЕУ. Tаа е гинеколог, и шеф на некаква Европска комисија, а сега е и претставник на Биг Фарма. Храбра жена, не се плаши од ништо “, напиша Медведев додавајќи дека сопругот на фон дер Лејен „случајно“, работи во фармацевтска компанија.
Хеико фон дер Лејен од 2020 година е директор на американската биотек компанија Оргенезис која специјализира генски терапии.

извор

Тексас прогласи вонредна состојба поради скапиот дизел

30 септември 2026

Гувернерот на Тексас, Грег Абот, прогласи „состојба на катастрофа“ низ целата сојузна држава, за да овозможи мерки против високите цени на горивото.
Цените на дизелот во Тексас достигнаа 5,90 долари за галон (близу 87 денари за литар) што е за 2,70 долари повеќе отколку пред една година. На ниво на САД, просечната цена на дизелот достигна 6,45 долари за галон (92 денари за литар).
Вонредната состојба му дозволува на Тексас да ја прошири употребата на обоен дизел, кој обично е ограничен на земјоделска и градежна механизација и е ослободен од федерален данок за моторни горива. Се суспендираат и некои федерални правила за емисии на горива.
„Земјоделството и товарниот транспорт во Тексас се потпираат на дизелот. Рекордните цени ги доведуваат во опасност двете индустрии и ги зголемуваат трошоците за секое семејство“, изјави гувернерот.

извор

Спречен обид на пилот да урне патнички авион во Израел

30 септември 2026

Тепачка на двајца пилоти во кабината на патнички авион што летал кон Тел Авив можела да предизвика општ хаос на Блискиот Исток, згора на актуелните војни.
Израелските власти ги истражуваат извештаите дека еден од пилотите, за кој се верува дека е Русин, се обидел да изврши самоубиство со уривање на авионот. Другиот пилот, за кој се верува дека е Украинец, го бодел колегата со нож за да го спречи уривањето. Снимки од патниците сведочат дека тепачката била „крвава“.

ЕДИТ: Други извори тврдат дека пилотите биле од Емиратите и од Оман.

За пресметката сведочат и податоците од летот дека авионот за неколку секунди се спуштил за околу 4.000 метри.

Авионот на „Флајдубаи“ со стотина израелски патници скршнал кон Саудиска Арабија и пилотите објавиле лажна тревога за „општа вонредна состојба“, а потоа и за „незаконско мешање“, што е класична тревога за киднапирање.
Израелските власти итно го затвориле воздушниот простор и активирале борбени авиони. Премиерот Нетанјаху свикал состанок на воените команданти.
Авионот безбедно слетал на аеродромот Табук во Саудиска Арабија. Израел испратил друг авион за да ги врати патниците во Тел Авив. „Инцидентот е под контрола и во моментов се преземаат сите мерки за безбедно враќање на израелските патници во Израел“, соопшти Канцеларијата на премиерот.

извор