- Канцеларијата на европското јавно обвинителство отвори истрага за набавките на ковид вакцини, најавувајќи дека фокусот ќе биде на на улогата на претседателката на Европската комисија Урсула фон дер Лајен во ова прашање.
- Канцеларијата е независно тело на ЕУ одговорно за истрага и гонење на финансиски криминал, вклучувајќи измама, перење пари и корупција. Не прецизираат кој е под истрага, ниту кои договори за вакцини на ЕУ се под лупа, но две други агенции за набљудување претходно го привлекоа вниманието на еден конкретен договор кој вклучува контакти на високо ниво меѓу раководството на Фајзер и Фон дер Лајен. (Види: Првиот човек на Фајзер се уфуфка од сведочење).
- Дмитри Медведен на својот Телеграм канал зајадливо запиша:
„Тетка Урсула фон дер Лајен некако купи 4,6 (!) милијарди дози вакцина против Ковид-19 од фармацевтската корпорација Фајзер за 71 (!) милијарда евра. Тоа се десет дози вакцини за секој граѓанин на ЕУ. Tаа е гинеколог, и шеф на некаква Европска комисија, а сега е и претставник на Биг Фарма. Храбра жена, не се плаши од ништо “, напиша Медведев додавајќи дека сопругот на фон дер Лејен „случајно“, работи во фармацевтска компанија.
- Хеико фон дер Лејен од 2020 година е директор на американската биотек компанија Оргенезис која специјализира генски терапии.
- Москва објави меѓународен налог за апсење на Павел Дуров, основачот на Telegram, поради „олеснување терористички активности“ против Русија.
- „Telegram не отстранил материјали кои украинските специјални служби, терористички и екстремистички организации ги користат за планирање и координација на саботажа и тероризам, масовни убиства и кибернетски измами на руска територија“, објави Федералната служба за безбедност. Обвинението носи максимална казна од 15 години затвор.
- Дуров го основа Telegram во Русија во 2013 година, но ја напушти земјата по судир со Кремљ и живее во Дубаи. Кога првпат беа поднесени обвиненија дека одбива да соработува со властите, тој рече дека Москва измислува изговори за да ја задуши слободата на говорот.
- И Франција води истрага против Дуров поради одбивање да предаде податоци од корисници на Telegram, обвинение поради кое веќе ја напушти Русија.
- Апликација за шифрирано допишување Телеграм денес има повеќе од 1 милијарда корисници и е широко распространета и во Русија и во Украина. Москва попусто се обидува да ја ограничи употребата на Telegram и ја промовира платформата MAX, поддржана од државата.
- Администрацијата на Трамп забрани за увоз на нови кинески хуманоидни и четириножни роботи, за да го заштити синџирот на снабдување од потенцијални закани за нарушување, кражба на податоци и сајбер напади, како и за да ја зајакне домашната индустрија.
- Забранет е и увоз на енергетски инвертори, уреди што овозможуваат на електричната мрежа да бидат поврзани батерии и извори на обновлива енергија.
- Ограничувањата важат само за новопроизведените роботи и инвертори. Федералната комисија за комуникации има право да одземе овластувања за продажба на модели кои веќе се на пазарот во САД.
- Хуманоидни роботи управувани од ВИ веќе се користат од фабричките хали до домовите, а инверторите се клучен елемент од центрите за податоци, кои масовно се градат низ САД.
- Забраната најсилно ќе ја погоди компанијата Unitree, светски лидер во областа на хуманоидните роботи која држи речиси една петтина од глобалниот пазар. Unitree неодамна склучи партнерство со Nvidia за користење на нивниот најсовремен чип Blackwell за роботите.
