- Дел од нагаѓањата околу турнејата на Џек Ма на Балканот е дека таа или почнала или завршила во Скопје, и дека тој тука е или на одмор или на бизнис патување. Тоа што е сигурно е дека во Скопје бил во Соул кичен, и тоа на коленица и пинџур, меѓудругото.
- Како што пишува ИТ.мк тој е забележан на кејот на Вардар за време на најфантастичните денови од летниот топлотен бран.
- За разлика од Белград каде има состанок со српски функционери на кој разговара околу погодностите на договорот за слободна трговија меѓу Србија и Кина, Ма во Скопје немал контакт со локалните функционери.
- Освен Белград и Скопје, Ма беше и во Сараево и во Тирана.
- По реакција на Германија и други членки, ЕУ се откажа од планот Канада да добие статус на „придружна членка“ на Европската Унија.
- Во нацрт-текстот на изјавата што ќе биде објавена на крајот од самитот Канада-ЕУ во Монтреал, изразот „придружно членство“ е заменет со „сè поблиска асоцијација“.
- Германија реагирала дека претседателката на Европската комисија, Урсула фон дер Лајен, не се консултирала со членките пред да ја претстави идејата во своето годишно обраќање во септември. Резервираност изразиле и Франција, Италија и Грција.
- „Се чини дека никој не бил консултиран за придружно членство освен нејзиниот најблизок персонал. Многу земји-членки, вклучително и Германија, не беа задоволни“, изјави дипломат од Брисел.
- Исто како и лани (видете: „Куба, извини за нашите вазали“), Македонија повторно гласаше во Обединетите нации ПРОТИВ укинување на економското ембарго од САД за Куба.
- За укинување на ембаргото гласаа 130 земји, 25 беа воздржани, а против беа 17. Резолуцијата нема обврзувачки карактер, но го покажува политичкото подредување на членките на ОН.
- Овој пат САД успеаја да убедат повеќе земји да апстинираат или да гласаат против. Меѓу земјите што гласаа против укинувањето на ембаргото беа и Словенија и Босна и Херцеговина. Германија и Италија првпат се воздржаа од гласање по повеќегодишна поддршка за укинување на ембаргото.
- САД уште во 1962 година воведоа трговско ембарго за Куба како „неопходна казна“ за комунистичката влада, која ја сметаат за „корумпирана и диктаторска“. Трамп воведе и општа блокада на гориво и се закани дека „ќе се справи со Куба кога ќе ја заврши војната во Иран“.
- Кубанците денес се соочуваат со секојдневни рестрикции на струја, немаат доволно гориво и храна, но не потклекнуваат.
- „Ова гласање ја подига свеста кај многу луѓе кои едноставно не разбираат како ембаргото влијае врз кубанскиот народ и нашиот секојдневен живот, низ што поминуваме, како страдаме... Тоа е најважно - далеку над политичките ставови или каков било вид идеологија“, изјави за Ројтерс жител на Хавана.
