- Сопругата на Груевски, Боркица Груевска пред Основниот граѓански суд поднела барање за развод од поранешниот премиер.
- Бидејќи Груевски го бараат и некои други судови за некои други работи, а не можат да го најдат, тој се води како недостапен за органите за прогонот.
- Заради ова Боркица Груевска побара развод од Никола преку Службен весник.
- Никола Груевски е во Будимпешта од 2018, а со Боркица, која му е втора сопруга, има две малолетни деца.
- Зоран Милановиќ останува претседател на Хрватска. Според нецелосните резултати од претседателските избори, во вториот круг освоил над 74 проценти од гласовите, додека неговиот противкандидат, поранешниот министер Драган Приморац, има освоено нешто под 26 проценти гласови.
- Милановиќ доби ваква, речиси плебисцитарна поддршка, затоа што гласачите го перцепираа како единствена стамена противтежа на владеачката ХДЗ која само пред 9 месеци победи на избори. Приморац тоа прашање се обиде да го прескокне обвинувајќи го дека е про-руски елемент.
- Во Пула, за 58 годишниот старо-нов претседател гласале преку 90% од гласачите а преку 80% Милановиќ има во Ријека, Чаковец, Вараждин и Копривица.
- „Има фрапантни сметки од 20-на илјади евра за две ќебапчилници и неверојатни, секојдневни и огромни сметки за кафани и кафулиња“, откри министерот Стоилковиќ кој во министерството за политички системот го замени Артан Груби.
- Во 2023-та на тендер за угостителски услуги биле избрани две компании. Пчела Ш.Е.Љ.“ која раководи со истоимена ќепабчилница и барбекју бар во Старата скопска Чаршија, од предвидените 944 илјади денари испорачала храна во вредност од 532 037 денари. Втората фирма избрана на тендерот е „Далма кетеринг“, но таа не реализирала ниту еден денар од предвидените 220 илјади денари.
- Последната софра од познатата ќебапчилница во Чаршијата, тимот на Груби ја имал неколку дена пред формирањето на новата влада. Тој ден, според цените, изеле околу 150 порции (десетки) ќебапчиња.
