- Бугарската фондација „Македонија“ започнува подготовка на детска енциклопедија со идеја „по увлекателен за децата начин, да бъде разказано коя е историческата истина за произхода на македонските деца“.
- Зад фондацијата стои извесен Виктор Стојанов кој пред некое време се пофали дека извлекува историски документи од македонскиот државен архив и ги носи во Софија (Види: Архив, се пребројувате ли?)
- Најавуваат дека енциклопедијата наменета за деца од 7 до 14 години ќе излезе со тираж од 80.000 примероци а ќе била напишана на „македонската регионална норма на бугарскиот јазик“
- Се пофалија и дека деновиве во Македонија поделиле уште 450 бугарски книги во рамките на кампањата „Дарувај бугарска книга за Македонија“
- Премиерот на Израел не ја исклучува можноста за атентат врз врховниот лидер на Иран, ајатолахот Али Камнеи, тврдејќи дека таков потег ќе го оконча конфликтот.
- „Денес на мета е Тел Авив, утре би можел да биде Њујорк“, рече Нетанјаху во интервју за АВЦ порачувајќи му на Трамп дека ја разбира политиката „Америка прва“, но не и „Америка мртва“.
- Вели дека го нападнал Иран за доброто на човештвото а ликвидираните научници ги опиша како Хитлеров нуклеарен тим.
- Претходно Ројтерс пренесе информации од американски функционери дека Трамп ставил вето за идејата за атентат на врховниот ирански лидер.
- Ајатолахот Али Камнеи им 85 години и е врховен водач на Иран од 1989 година, кога го наследи Хомеини.
- Франција ги обвинува Европската комисија и Германија дека преку новите еколошки регулативи ја потиснуваат од профитабилниот пазар на високонапонска електрична расклопна опрема.
- Стравот е дека еко-нормите се дизајнирани за германски Сименс да стане доминантен на овој пазар вреден милијарда евра.
- Оваа опрема сочинува околу половина од цената на типична трафостаница, но е поврзана со големи количини на SF6 – стакленички гас кој е 23.500 пати посилен од јаглерод диоксидот.
- Само една компанија на светот може да произведе опрема во согласно со ЕУ правилата - германски Сименс. Се разбира, таа е далеку поскапа од стандардната.
