- Опишувајќи ја како Нострадамус на Балканот, која го предвидела нападот на 11-ти септември, Сан објавува дека Ванѓа во своите гатања го видела и Путин како „господар на светот“.
- Зборовите на Ванѓа што ги пренесува Сан се: „Сè ќе се стопи како да е од мраз, само едно ќе остане недопрено - славата на Владимир, славата на Русија.“
- Пишувајќи дека Ванѓа е од Македонија и дека живеела „на фарма“, Сан објаснува дека нејзините моќи најверојатно потекнуваат од тоа што како дете ослепела откако била крената од торнадо (во Струмица) по што ја добива способноста за гатање.
- Освен предвидувањето на 11 септември, Сан на портфолиото на Ванѓа ги реди смртта на принцезата Дијана, нуклеарната катастрофа во Чернобил, потопувањето на Курск и војната меѓу Русија и Украина.
- По јавните полемики и сомнежи поврзани со нејзината работа во Државната комисија за спречување на корупцијата, Цвета Ристовска поднесе оставка во ова тело.
- „Жалам доколку одредени околности, вклучително и можни административни пропусти, доведоа до неосновани сомнежи во јавноста. Во сите ситуации во моето работење во Комисијата во кои постоеше можност за потенцијален судир на интереси барав изземање, согласно законот. Никогаш немав намера да прикријам информација, напротив, ги почитував законските обврски“, вели таа.
- На почетокот на месецов ДКСК отвори два предмети за нивната колешка: едниот во врска со фирма на еден од синовите на Ристовска која добивала пари за кампањата за претседателските избори во 2024 година, а другиот за наводите дека во својот анкетен лист не пријавила дека двајцата нејзините синови имаат фирми за маркетинг.
- Се засилија шпекулациите дека сопственикот „Ворнер Брос. Дискавери“ ќе ја продаде CNN, откако новите податоци од агенцијата Нилсен покажуваат дека телевизиската мрежа изгубила околу две третини од својата публика во изминатата деценија. Планот е кабелската ТВ да се одвои во посебна компанија, а нејзините бизниси за стриминг и студијата да му се продадат на Нетфликс.
- Во 2016 година, CNN имаше просек од 1,3 милиони гледачи во ударниот термин. Една деценија подоцна, мрежата има просек од само 553.000. Во јануари емисиите на најплатените новинари Андерсон Купер, Ерин Барнет и Кејтлан Колинс имале просек од 488.000 гледачи.
- Падот на гледаноста се поврзува со одлуката од 2016 година уредувачката политика целосно да се фокусира против Трамп. Тоа ѝ се исплатеше на CNN во неговиот прв мандат, но рејтингот почна да опаѓа кога претседателот Бајден ја презеде функцијата и продолжи откако Трамп се врати во Белата куќа.
- Иако се фали со гледаноста на содржините преку стриминг, податоци од февруари покажуваат дека поголема публика имале репризи на Fox News емитувани после полноќ отколку емисии на CNN во ударен термин попладне.
