Вести › Набрзинка

Браво за Сека

23 мај 2023

На Твитер се појави приказна за ромско девојче од школо во Врбас со кое никој не сакал да оди на полуматура и кое било понижувано од соучениците.
Мајка ѝ држи цвеќара, татко ѝ вози камиони по Европа. Дебилните деца од школото и донеле бакарна жица, алудирајќи на стереотипот дека Ромите собираат бакар.

Прва се огласи пејачката Сека Алексиќ (потоа и други) и се понуди таа да ја придружува малата на забавата. Ѝ било пренесено, девојчето ептен се израдувало.

25 мај 2026

Региони како Славонија, Загорје, Меѓимурје и Лика доживуваат туристички бум благодарејќи на подобрата пристапност.
Викенд туризмот, винско-гастро понудата, циклотуризмот (со точаци) и селскиот мир стануваат сè попривлечни алтернативи на претрпаниот и прескап Јадран.
Хрватска минативе години градеше сериозно квалитетна патна мрежа која ги скратува патувањата но и ја намалува психолошката оддалеченост меѓу деловите на земјата.
Тоа овозможува полесно спојување на морските и континенталните планови и полека но сигурно ја трансформира Хрватска во целогодишна туристичка дестинација.
Локален контекст: Скопје и Крушево по воздушна линија се оддалечени само 70 километри. Тргни со кола, под три саати нема да си.

25 мај 2026

Унгарскиот премиер изјави дека Европската Унија треба да ги прими земјите од Западен Балкан пред Украина, за да го зачува кредибилитетот во регионот.
ЕУ прво мора да ги исполни ветувањата дадени на земјите кои со години чекаат членство, пред да даде нови ветувања на другите кандидати.
„Прво треба да ги примиме земјите кои долго време се подготвуваат за членство, кои многу жртвувале, прифатиле бројни обврски и со години чекаат на ветениот влез во ЕУ“, кажа Маѓар во интервју за австриската агенција АПА.
За евентуалното членство на Украина во ЕУ, Маѓар кажа дека земјата е сè уште многу далеку од прием и процени дека тоа нема да се случи барем во следните десет години. Потсети дека сите земји-кандидатки мора да поминат низ истите процедури и да ги исполнат истите услови за членство.