- Основачот на Микрософт е зачуден што никој не е загрижен за иднината што ќе ја донесе вештачката интелигенција колку што тој е загрижен.
- Откако со години беше безрезервно оптимистичен за темата, во последниот блог пост одеднаш зазвуче алармантно и предупреди дека ВИ ќе уништува работни места и ќе ја опустоши економијата.
- „Вештачката интелигенција ќе биде или најголемиот изедначувач некогаш измислен, или најлошиот извор на неправда“, напиша тој во есејот. „Дури и под најдобри околности, транзицијата кон оваа нова ера на вештачката интелигенција ќе биде едно од најтурбулентните времиња во човечката историја“.
- „Шокиран сум што сум првиот што го кажува ова. Просто оглушен сум од тишината,“ напиша Гејтс.
- Му препорачуваат да си го провери слухот бидејќи за ова се зборува уште кога ЧетГПТ стана глобална сензација.
- На 29 август 1996 година, само еден ден по празникот Успение на Пресвета Богородица, манастирот „Успение на Пресвета Богородица“ кај Берово стана место на една од најтрагичните несреќи поврзани со голем православен црковно-народен собир во Македонија.
- Девет лица загинаа, а повеќе од 50 беа повредени кога во манастирскиот простор удрија громови. Илјадници верници кои дошле на празничниот собир, во само неколку минути се најдоа во хаос, паника и борба за живот.
- Празникот се слави на 28 август. Се паѓало среда, според црковните правила посен ден. Но, поради традицијата да се има курбан за ручек тој ден, кој се приготвувал со мрсна храна, традиционалниот народен ручек, а со тоа и прославата на празникот бил поместен за 29 август, кога можело да се јаде мрсно.
- Токму оваа одлука, по трагедијата, ќе стане центар на едно од најпознатите верувања поврзани со несреќата, дека се работи за божја казна.
- Ама, реалнo, каде да удри гром од небото ако долу на земјата има триесетина огромни бакарни казани со храна?
- Од почетокот на војната и уништувањето на Газа, извозот на српска муниција за Израел се зголемил за 42 пати и на почетокот на оваа година достигнал вредност од 133 милиони долари.
- Наспроти изјавите на Александар Вучиќ од ланскиот јуни дека Србија го стопира сиот воен извоз, само во првите два месеца од 2026, биле организирани 14 карго летови за Израел.
- Двонасочна е таа соработка. Израелскиот Елбит Системи на Србија ѝ продаде современи артилериски системи, дронови и опрема во вредност од 335 милиони долари.
