Ако не ти ја фрли назад бомбата значи те сака?
15 јануари 2020
Вести › Набрзинка
Украдени криптовалути во вредност од 6,3 милијарди долари
30 октомври 2026
- Берзата Binance го запре тргувањето откако хакери украдоа повеќе од 6 милијарди долари. Ова е најголемата кражба на криптовалути во историјата и тежок удар за индустријата која се промовира како заштитена од хакерски напади.
- Првичната истрага покажа дека нападот го извршила севернокорејска група преку компромитиран лаптоп на инженер во Binance.
- Од дигиталните паричници биле извлечени 6,3 милијарди долари, но берзата и нејзините партнери успеале да блокираат криптовалути во вредност од околу 3 милијарди долари, кои потенцијално би можеле да им ги вратат на сопствениците.
- „Суспендирани се уплатите и исплатите. Средствата на корисниците се безбедни. Binance ќе ги покрие сите загуби од хакерскиот напад“, објави директорката на берзата, Ји Хе. Берзата е способна да ги покрие потенцијалните загуби преку своето осигурување и билансот.
- Со нападот се заокружува „Црниот октомври“ - низата кибернетски напади откако модели со ВИ открија дупки во безбедносните системи на интернет.
- Само неколку часа претходно берзата на предвидувања Полимаркет го паузира тргувањето поради хакерски напад во кој биле украдени 2,7 милиони долари од корисници.
- Во 2025 година, хакери поврзани со Северна Кореја украдоа крипто во вредност од околу 1,5 милијарди долари од берзата Bybit.
Жељко Митровиќ ќе отпушта илјада луѓе
29 октомври 2026
- „Ова е еден најтешките денови во мојот живот“, напиша на Икс сопственикот на медиумската империја Пинк, обелоденувајќи дека ги распуштил сите ансамбли во неговиот театар Одеон со што 150 луѓе останале без работа.
- Митровиќ додаде дека во целиот негов систем, од десетина компании ќе мора да отпушти околу илјада луѓе.
- „Се гледаме во некои подобри времиња,“ порача Жељко Митровиќ во атмосфера во која победниците на парламентарните избори во Србијa нетрпеливо бараат расчистување на медиумскиот простор од оние кои ги сметаат за дел од пропагандата машинерија на Александар Вучиќ.
