- „Ако не беше СССР, од Бугарија ќе останеше само Софиската област, зашто тогаш, по Втората светска војна, стана збор за поделба на Бугарија и само Советскиот сојуз не дозволи таа да се подели,“ изјави руската амбасадорка во Софија, Елеонора Митрофанова.
- Митрофанова потсетува дека токму СССР решил да и дозволи на Бугарија да ја задржи Добруџа, која до пред војната била дел од Романија.
- Таа им порача на Бугарите и малку повеќе да припазат на спомениците на Црвената армија во земјата, а не да ги сквернават.
- Европската Унија усвои построги правила за издавање визи за руски државјани, поради „потенцијалните злоупотреби на визите, користењето на миграцијата како оружје и ризик од акти на саботажа“.
- На руските државјани повеќе нема да им се издаваат повеќекратни визи. За секое патување во ЕУ ќе мора да вадат нова виза. Исклучоци ќе има за дисиденти, независни новинари и активисти за човекови права.
- Како причини за построгиот режим, во одлуката се наведени „руското вооружување на миграцијата, актите на саботажа на територијата на земјите-членки и во меѓународните води на Балтичко Море, закани од сајбер и индустриска шпионажа и потенцијалната злоупотреба на визите за промовирање пропаганда за поддршка на руската агресивна војна против Украина или вклучување во други субверзивни активности на штета на Унијата“.
- „Тешко е да се оправда слободно движење во Европа за оние што почнаа војна. ЕУ ги заостри визните правила за руски државјани поради зачестени нарушувања со дронови и саботажи на европска територија. Патувањето во ЕУ е привилегија“, порача шефицата на ЕУ за дипломатија и безбедност Каја Калас.
- Таа не наведе доказ дека дроновите што надлетуваат аеродроми низ Европа се управувани од Руси. Што се однесува до саботажите во Балтичко Море - за разнесувањето на гасоводот се обвинети двајца државјани на Украина.
