- Со 68 гласа ЗА, македонското собрание ги изгласа заклучоците од францускиот предлог од кој не им беше даден ни да го видат протоколот кој содржи детали како треба да им седнеме во скут на Бугарите.
- Пратениците од ВМРО ДПМНЕ и Левица излегоа од последниот чин на фарсата, првите потпишаа изјави на нотар дека нема да дозволат отворање на уставот и други постапки за доведување на државата во подредена состојба.
- Сондажите на јавното мислење укажуваа на огромно незадоволство на Македонците од предлогот кој во Бугарија беше оценет како фасцинантен успех на бугарската дипломатија.
- Украинскиот претседател Зеленски се сретнал со рускиот олигарх Роман Абрамович на 21 мај во Киев и преку него испратил лична порака до Владимир Путин за директни мировни преговори „во кое било време и во кој било формат“.
- Двајца високи украински функционери ја опишаа личната порака на Зеленски до Путин како слична на отвореното писмо што му го испрати подоцна, но со помалку антагонистички тон.
- Путин потврди дека ја примил пораката од „претставник на нашите деловни кругови“, но ја одбил понудата како бесмислена. „Единствената смисла на пораката е Украинците да го спречат напредувањето на нашите оружени сили“, изјави Путин.
- Абрамович посредува помеѓу Москва и Киев уште од првите недели откако почна војната во 2022 година. Бил вклучен во договарањето на преговорите во Истанбул, во договорот за извоз на украинско жито преку Црно Море и во контактите за размена на затвореници и други билатерални прашања.
- „Тој е единствениот Русин кој го толерираат. Тој се сложува со сите“, изјавил за Фајненшл тајмс извор близок до олигархот.
- Израел и Иран од синоќа повторно се пукаат со проектили, првпат откако во април ги запреа меѓусебните напади.
- Иран лансираше балистички ракети кон Израел доцна во неделата по израелскиот напад против цели на Хезболах во Бејрут, главниот град на Либан, оценувајќи го како грубо прекршување на примирјето. „Ова беше предупредување. Ако агресиите се повторат, одговорите ќе бидат пошироки“, соопшти Револуционерната гарда.
- Израел рано изутрината возврати со ракетни напади врз цели во Техеран, Тебриз и Исфахан.
- Доналд Трамп упорно тврди дека ја командува ситуацијата, иако на теренот се случува спротивното. За бомбардирањето на Бејрут истакна дека не било координирано со САД, а од својот партнер во војната Нетанјаху барал да не возвраќа на иранскиот напад: „Јас одлучувам. Не одлучува Биби. Нетанјаху нема избор освен да прифати договор со Иран“.
- Трамп му порача на Иран: „Ги истрелавте своите проектили, доволно беше. Вратете се на преговарачката маса и склучете договор. Можеме да постигнеме мир по 3.000 години“.
