„Сатаната се појави во Софија“ е насловот што денеска се појави во повеќе бугарски медиуми. По невремето во бугарската метропола, врз шофершајбната на еден од илјадниците искршени автомобили се појавила ваква слика. Тоа се случило непосредно по невремето во населбата Младост 1.
- Откако небото се смири и престана да врне, загрижено отидов да проверам што се случува со мојот автомобил. Тогаш видов череп на предниот прозорец, кој беше напукнат од градот. Нозете ми се пресекоа. Првото нешто што ми дојде на памет беше како овој лик ме гледа во очи и ми вели: „Јас бев! Јас ви го пратив градот“ – раскажа сопственичката на возилото.
