Текстот во рубриката Стигнавме на дното е преземен без интервенции од порталот Медиа.
Летото пристигна и со себе донесе високи температури. Луѓето честопати не можат да спијат добро заради топлината, и поради тоа климите и вентилаторите работат цела ноќ. Сепак, се покажа дека тоа има лош ефект врз здравјето.
Марк Редик, еден од авторите на книгата „Sleep Advisor“, вели дека вентилаторот може да предизвика многу алергии, а спиењето со уклучен вентилатор може да биде кобно за оние кои страдаат од астма, пренесува „The Sun“.
– “За многу луѓе, вентилаторот, особено оној на таванот, им помага да заспијат, но тоа воопшто не е добро, затоа што може да предизвика алергиски напад и суви очи.” – истакнува експертот.
Додека вентилаторот ротира, правот и поленот ги достигнуваат синусите. Ако сте алергични и имате астма, ова може да доведе до сериозни проблеми. Марк ги советува луѓето редовно да ги чистат вентилаторите и клима уредите пред употреба, наведувајќи ја сувата кожа како друга маана.
– “Кога тој воздух ве дува долго време и постојано, кожата се суши. Лосионите и кремите ќе помогнат, но не ако тоа ви остане навика во текот на целото лето. “- објасни тој.
Наместо климатизација и вентилатори, експертите го советуваат следново: „Ставете ролетни, завеси, но во темна боја, затоа што темните ќе ја привлечат топлината.Туширајте се со ладна вода и пијте ладни пијалоци како вода или овошни сокови. Избегнувајте го алкохолот, кофеинот и напитоците со висока концентрација на шеќери.“
