После легендарниот "кавурма и чварки", складираме уште еден добар потег во одбраната од професионалните изнудувачи на ставови, некаде познати и како новинари. Во случајов, потребно е да не ве фаќа паника туку мирно и сталожено да го сослушате прашањето а потоа, лежерно да ги одјебете.

Го имавме прво како Езел, а потоа како Долче и Рубинче. Таман помисливме дека овој ДНК ќе остане осамен на сцената, еве го - со синот. Рубинчо не додржал малиот да порасне па да одговара на текстот на песната (одлив на млади во странство, едни ваму, други таму, сјебана мк судбина и пропратно кукање на таа тема при што сцената со клучевите е марти мистерија!) па го направил малиов гурбетџија уште во основно школо. А каде ќе оди бе така мал? Освен ако со право не бега од музичката кариера која овде му се готви.

Кога ќе се просветли некој во нормална земја, обично му стануваат јасни категори како што се универзумот, вечноста, смислата на животот... На Балканите, просвeтлувањето е првенствено политичка категорија. Како изгледа и зборува човек со политичко трето око?