Пазете го вие овој класичен потег на балкански шеф на јавно претпријатие. Дава изјава за телевизија па нарачал позади него камион безвезе да врти кругови, да се види дека работат без одмор.

Пред некој ден во делот „набрзинка“ објавуваме слика од двајца луѓе. Едниот наш, другиот странец. Ставаме наслов „Не е чудно што се нашле“. Сега на првиот не му е јасно што сме сакале да кажеме. Ајде златни рипки, да ви го освежиме сеќавањето.

Парче од Ноќна мора на Жељко Малнар во кое дежурен синоптичар е Хуснија Брзоја која кажува какво ќе биде времето гледајќи во шоља кафе. А после Хуснија, вратете назад видеото, да видите како Јаран ко грешен ѓавол се изнамачи со телепромптерот. Какви неповторливи цареви беа тоа!

Мапа на поранешна Југославија и кој дел од СФРЈ колку време бил под турско ропство. Она што посебно добро ја надополнува оваа мапа е една карта на која е прикажана писменоста на истата територија според пописот од 1931-ва.

Давор Павуна е хрватски физичар, доктор на науки, универзитетски професор во Швајцарија, зборува 5 јазици, советник е на неколку  влади за енергетика, ангажиран бил од Барак Обама, свири џез во една формација, има 33 години помлада Французинка за жена... И ништо од сево ова - ама баш ништо - не може да ви долови каква лепенка е тоа. Замислете да треба да зборувате цел саат, ама услов да ви биде, секоја искажана реченица да е на друга тема. Павуна би рекол: Ок, пали камерите.

Не ни тргна со тоа химните, и не ни тргна. Откако први на криво тргнаа Ѓоко и Кате (тоа останува недостижен идеал до ден-денес, ќе чуете), па по тој правец храбро продолжија Шенол и Венко, еве ги сега на иста кривина паѓаат и Корчагинци. Овојпат без објективна рецензија, само субјективна реакција: Ќути што сме Ѓорѓи.

Се разбира, како што вика вицот, затоа што не уплаќа. Но нашиве одат чекор понатаму. Не само што не уплаќаат туку некако веруваат дека ќе компензираат ако остават свое име и презиме на Фејсбук. Зошто? Затоа што без памет.