Урнебесно забавна е оваа земја, само да имаш нерви да ја поднесеш. ТВ прилог за штипскиот градоначалник кој со полиција принудил во збег крадци на дрва. Нормално, народ сега ќе се раскара дали така треба или е безвезе толку помпезно да се гони сиромаштија. Ама па, овој народ и за Тома се раскара. 

Се извинуваме што не знаеме кога овие две фирми, тесно поврзани со Алберт Муслиу, ќе го вратат вкупниот долг од речиси 800 илјади евра во Еуростандард банка во стечај и за истиот ќе платат и законска казнена камата за изминатите година и половина од кога Еуростандард банка е затворена.

Не дека не ги знаеме овие работи, ама овде се фино спастрени во едно мало комплетче. Убаво е кога ќе видиш дека и странци те имаат хакнато и влезено во сорс кодот. Чисто за зауздување на чаламот.

„Откако смесата внимателно ја сипавме во резервоарот, моторот весело забревта, а од ауспухот се ширеше пријатен мирис кој благо потсетуваше на уштипци...“ Башка мулти-функционалниот гепек, гаџетот за сообраќајна сигурност, лесната продажба...

Го следев интервјуто на Пендаровски. Стево, ко Стево - малку е претседател, малку е американски ученик, малку е као професор по меѓународни односи. Малку адвокат и другар на Фрчкоски, за кој кажа дека иако ја тепал жена му, сепак тоа не завршило со кривична пријава, па не се важи.