Не можел попрецизен и поубитачен наслов да стави на својата репортажа овој патник добронамерник откако ја поминал државата која официјално ја викаат Северна Македонија но и поразговарал со луѓето кои живеат во неа. Овци едни преспански, мислевте дека тоа грдо име некогаш „ќе ви се фати“ кај народот?

Душмани ни пратија линк, ние наивно кликнавме и потоа веќе беше доцна да го „одвидиме“. Ве покануваме да ја направите истата грешка, облагородена со идеја во духот на пријателството меѓу Македонија и Бугарија кои се обврзаа да ја потикнуваат културната размена меѓу двете земји. Значи, да возвратиме со еден кавер на песната и спотот, со наш Маричиќ како главен лик?

Прави народњаци никогаш не бегале од контроверзни теми, никогаш не се плашеле да го опејат своето гледање на работите и никогаш не се фалеле дека све нив најдобрите женски им се паѓаат. Сите овие три работи во еден едноставен рефрен кој можете да го сфатите како крик или како молба.