Кој ги потпишувал односно одобрувал сите тие доделени непокриени кредити и нелегални трансакции кон клиентите во банката? Одговорот на ова прашање е едноставен. Тоа е можно и е направено само и исклучиво од раководниот тим на Еуростандард банка, односно од претседателите на управниот, кредитниот и надзорниот одбор.

Се моли Вистиномер да не троши време на утврдување на големата вистина дека ова што следува всушност не е Брнабиќ (радо се занимаваат тие со баналности, толку им го пуштаат чергичето). Едноставно е, нашите читатели не се дегени за да им требаат тие да ги сконтаат работите.

После само неполни две години службување на овие простори, високиот претставник во БиХ се побалканчи. Се развика на прес конференција и се закани: „Има бре сè да деблокирам!“ Во наредната прилика не ќе нè чуди ако после заканите додаде и: „Јебо матер сво-ју!“