Кога човек ќе прочита дека на македонската Твитер сцена „дрмаат“ пет про-руски профили, не може да не се насекира дали оние десетици милиони американски долари за спречување руско влијание ќе бидат доволни да ги неутрализираат овие „мало нас је ал смо говна“ (бугарски: „малко сме, но сме лайна“) подмолни агенти. Не ги дознавме кои се, ама малку се занимававме со бројките.

Го обвинуваат парламентарниот спикер Владимир Орлиќ (од на Вучиќ, нормално) дека намерно им дава збор на опозиционите пратеници кога ќе види дека не се присутни во салата, само за да им пројде редот. Орлиќ стандардно „со индигнација ги отфрла неоснованите обвинувања,“ ама овие му направија камај. Еден му се скри под клупа!

Живописниот хрватски изумител, уметник и заебант Живојин Мириќ, меѓу другото се занимава и со дизајн на автомобили, особено онакви со винтажен шмек. Од четири Шкоди направил една долга шклопоција која е толку урнебесно смешна и грда, што природно му дошло да ја нарече „Бугарска претседателска лимузина.“