На читател му текнало дека едно време имавме објавено нешто од Иван Коцката. Па малку го фатило уплав кога видел колку време поминало од тогаш. Ситница, 9 години. Таман да се освежиме со нешто ново од Коцката, битолчанецот кој живее во Шенжен, Кина. Со една негова супер ведра преработка на Бела Чао.

Некои луѓе имаат привилегија да ги избираат животните битки кои ќе ги бијат. Не и Бошко, особено откако на пат го има пресретнато џиновската Нирдала, змијата на Апокалипсата. Фасцинантно филмче за еден од оние сè поретки уникатни ликови кои не се произведуваат конфекциски: Бошко Дрљиќ, учител на учителите, скалперист на пердето на заспаното човештво.

Редно е да се чуе и нивната страна. Само, малку резон да се имаше, не ќе беше лошо. Прво, Албанци плаќале повеќе од Македонци (аха, Австријците од ЕВН се маскирани гемиџии). Па после, сите плаќале струја освен социјалните случаи (оној споменикон свè сами социјалки го платија). Трето, тие не можат да влезат во објектот ама некако знаат дека ЕВН внатре исекол кабли - на две места (!?). Слупчане, ај малку поозбилно.