Сцена од седница на црногорскиот парламент во кој, како и овде, знаат секакви начини и методи да се искористат за надмудрување и навредување. Овојпат малку поинаку од што сме навикнале. Спикерот решава да ја нафли својата поента со помош на една поговорка. Пратеникот му одговара со една друга, неочекувана.

Има 50 годишен стаж во уживањето во алкохолот, го цитира премудриот Игор Мандиќ за надзадоволството наречено пијаност (види овде) и има еден битен совет за аматери и фејкери: „Секое пиење кое не завршува со опивање е чисто губење време и пари“. Со други зборови „сокот е поубав и посладок од ракијата, ама, не фаќа.“ 

Запад учи за семејните вредности од Балканот: се играло баскет, некој залактал дечко кој е од Албанија, дошло до препирка и кошкање, младиот Албанец (15-16 години) им се заканил дека ќе се врати со фамилија. Саат време подоцна, доаѓаат два квадови, со по 4-5 Албанци во секој.  За полесно да го пресечат проблемот, носат моторни пили. 

Не може да не ти текне на стереотипното „колку е светот мал“ кога ќе отидеш во Конго и таму ќе наидеш на човек кој перфектно го зборува макеоднскиот јазик. Господин Макенго има студирало Градежен во Скопје и којзнае од кога немаме видено човек кој на лицето има насмевка додека зборува за Македонија. 

Кога ќе ти стават име Блаже и си роден во Радовиш, можеш да помислиш дека судбината ти е да си локалец. Освен ако не си Блаже Здравев (35 години) па се одважиш да отидеш во Америка и се зафатиш со недвижнини. Таму ќе склопиш дилови од 12 милиони долари само во првата година а подоцна ќе влезеш во топ 500 агенти. И ќе те викаат Блејз што им звучи многу кул. Браво бе Блаже!   

Кај кого друг, ако не кај фамозната Јована (како тоа не ја знаеш?) извесен Неџо кој е бел маг (обратно од црн маг) објаснува како човек да се спаси од труење, акт кој Јована го нарекува медицински атентат. Постои аутпут метод (да му се пушти крв), но постои и инпут метод после кој на несреќникот  му се трча. Говори Неџо, дојден со стапот со кој поминува на граници.