Чичково го пуштавме и порано па после ни пиша некој од негова фамилија, демек, тргнете го, што има да го објавувате, он е само мераклија за пеење. И, еве го пак, сега со песна за Жан Митрев?! До читателите: внимателно, песната не е за оние со слабо срце. До семејството: да ви е жив и здрав и да му забраните да качува песни на Јутјуб.

И нашите драги Тихо (да му дојдете на промоција, ич да не ви чуе) и Лешоски пишуваат поезија, плеткаат таму нешто... Не дека се лоши ама да бидеме објективни, не се ни приближиле до височините кои секојдневно ги поетува (без с) модерниот писател од Струга, Селман Чучул, самонаречен Селман Чорба.

Настрана овој позитивен еволуциски развој на Лепа Брена, главниот дечко во клипот е Рајито, еден шпански гитарист од џипси-јапонско потекло. Брена е гратис.

Еве една бесплатна реклама за мала приватна фирма. Со надеж дека некој од таму ќе ни пише и ќе ни објасни зошто "пласт".

Како да го најавиме овој клип а да не прегрееме кревките партиски мозочиња на тема „што е неговата тема“?

Долг е патот кон Џамбо. И е поплочен со ескалатор. Ако го згрешиш, патот станува уште подолг. Видете ја вие оваа млада девојка, занесена во тоа телефонот како упорно вергла нагоре додека патот и оди надолу. Text & Drive е опасно. Text & Walk е глупо.

Знаеме дека љубовта е слепа ама да е до толку глува? Не го знаеме ни Роби ни Столе ама очигледно е дека Роби негува толку убави чувства за Столе што е тоа - греота за Столе. Затоа што никој (никој!) на светов не заслужил да биде инспирација на една волку лоша песна.  Геј парада во Скопје? Може! Химната е веќе родена.

"Мајку вам божју, од сè што ви оставив, Јованка најдобро се држи", вака деновиве некој досетлив лик во името на Јосип Броз Тито ја попиша состојбата на оставнината на лидерот на кого генерации луѓе му се колнеа дека нема да скршнат од неговиот пат.

'За жените не е дозволено да носат здолништа над колена, блузи на прерамки и со длабоки деколтеа, блузите треба да покриваат половината, да не се носи облека со флуоресцентни бои и сл...'

Се разбира дека кај некои луѓе, овој видео клип ќе има и поинакви толкувања, но за нас, ова е супер пример за толерантноста и релиозната кулоќа на Македонија. Две вери, на 15 метри една од друга, секоја си го пичи своето. Само атеистите троа ненаспани али тоа е. Снимено на Велики четврток, годинава, во Охрид.

Уште кога ја објавувавме Сања, имавме чувство дека несреќата никогаш не доаѓа сама. Вака: земете ја прочуената реплика од филмот Few Good Men. Том Круз: I want the truth! Џек Николсон: You can't handle the truth! Сега заменете го зборот "truth" со зборот "фалш" и бидете спремни Кате Тембелеска од Прилеп доживотно да го промени вашиот тоналитет. You can't handle, верујте.

Не дека Шимборска и Марина Цветаева не знаат да предизвикаат поетски дилеми, меѓутоа ние сме длабоко натопени во езотеријата на Сања Ристеска и реката прашања кои ни ги предизвика нејзината песна "Ме заболе". Да речеме: "Раке пуке, раке шлаке". Дали ние тоа правилно го изговараме?

Да бевме мангупи па од ова да направевме идиотска ФБ апликација за збирање лајкови, па да се изнакликаа луѓе мислејќи дека ќе откријат ексклузивна ал шокантна информација за атентатот врз Глигоров од типот Аца Лукас загинал, Скандал на снимањето со Џамбазов и Трендо, Најдено мртво тело на македонска манекенка.... Ама не сме. Ова е само една од досадните работи кои ни се бендисуваат.

Таа е звучен уметник од странство со која си ветивме дека ќе ја споделиме (таа нам, ние на читателите) нејзината документарна фикција, реализирана од некој што не гласа овде.

Музичка поддршка за Андреј Жерновски и тоа не општо туку конкретно, за третата мајка. Ако, убаво е тоа, со песна да се поддржи оној за кого навиваш. Само малку чудно што дечково пее за победата толку "еуфорично", ко Тодоровиќ да му држи нож под грло. После песнава, одиш и гласаш за Андреј ама има некоја тага у тебе, да му се невиди! Еве, чујте.

Читател кој по сопствени зборовие е "фан на Чакаларов" сподели со нас задоволство што неговиот јунак конечно добил споменик во Скопје и истовремено незадоволство што тој - не личи на себе. Да видиме како стојат работите.