По голема и жестока борба на секогаш жешкиот „Сан Мамеш“ во Билбао, домашниот Атлетик со гол во самиот финиш го совлада Реал Мадрид 1:0 и се пласираше во полуфиналето на Кралскиот Куп. На овој начин Баскијците им се омаздија на „кралевите“ за поразот во финалето на Суперкупот пред еден месец во Саудиска Арабија.

Во квалификациите за Светско 2022 Канада е прва во КОНКАКАФ зоната со 4 бода пред САД и Мексико на три кола пред крајот. Канаѓаните синоќа го совладаа Ел Салвадор на гости со 0:2. Мечот го отвори ветеранот од Бешикташ Атиба Хатчисон (38) со најчудниот гол кој паднал сезонава.

Откако Канаѓаните, покрај одличната игра со која се на добар пат да одат на прво Светско првенство после 1986-та, смислија рецепт да ги носат ривалите во градови каде поради минусни температури мачки и глувци спијат заедно, сега истото тоа го направија и Американците.

Можно е само да замислиме каков тактички генијалец е Марсело Бјелса кога величини како Јирген Клоп и Пеп Гвардиола во него покажуваат со прст на новинарски прашања кој е за нив пример за следење од кого научиле многу. Сега Бјелса има збор-два за разликите и сличностите на двајцата најдобри тренери на денешницата.

Во рамки од португалската Примеира Лига, Спортинг Лисабон славеше убедливо 1-4 на гости кај Белененшеш и со 50 освоени бода ја продолжи трката за титулата со Порто кој има 56 бода на првото место. Од сите пет гола најубав беше оној на домаќинот преку капитенот Абел Камара.

Љубителите на шпанскиот фудбал веќе се зажелеа да гледаат Ла Лига. Барселона на пример на својот „Камп Ноу“ нема играно уште од 18 декември. После тоа имаа серија гостински мечеви, далечен пат до Саудиска Арабија за Суперкупот на Шпанија и одложен меч со Рајо Ваљекано. Ако е се според планот на 6 февруари Каталонците се враќаат во својот дом и тоа за дербито со Атлетико Мадрид.

Чиле ја совлада Боливија 2:3 на едно од најтешките гостувања во јужно-американските квалификации и остана во игра за местото кое води во интерконтиненталниот бараж. Мечот кој се играше на стадионот кој се наоѓа на најголема надморска висина од сите други стадиони - 3.637 мнв доцнеше поради обилни врнежи и поплавен терен. А го отвори Санчез со прекрасен гол за 0-1.

Аргентина обезбеди пласман на Светско првенство а со селекторот Лионел Скалони имаат неверојатна серија од 29 меча без пораз во сите натпреварувања. На голот на гаучосите стандарден и незаменлив е голманот на Астон Вила, високиот Емилијано Мартинез кој секој меч прави некоја будалаштина.

Бразил и Аргентина ја продолжија победничката серија во квалификациите за Светско 2022. И едните и другите веќе пред неколку кола обезбедија пласман, но немаат милост за ривалите. Кариоките со 4-0 го совладаа Парагвај а најубавиот гол на мечот го даде Филипе Кутињо во 62’ минута. Аргентина минимално славеше 1-0 против Колумбија.

Најдобриот македонски фудбалер на сите времиња ќе ја продолжи сезонава во второлигашот Парма. Бројот 19, омилен на Гоче веќе е зафатен во екипата, па легендата се одлучи за број со кој во Интер ги освои сите можни трофеи под водство на Мурињо.

Англискиот гигант Ливерпул мируваше до пред самиот крај на зимскиот преоден рок. Се чинеше дека се чуваат за летово. Но овој јануари го израдуваа менаџерот Јирген Клоп и за 45 милиони евра плус 15 милиони евра во бонуси го купија колумбискиот крилен напаѓач Луис Диаз од Порто.

Верувале или не, 34-годишниот Лионел Меси после 17 сезони во кариерата и 796 натпревари во клупски фудбал, првпат беше дел од пенал серија. Во 1/8 финалето од францускиот Куп ПСЖ изгуби од Ница 5:6 на пенали откако во регуларниот дел и продолженијата беше 0:0.

Првпат после осум години Пари Сен Жермен нема да игра во финалето на францускиот Куп. И покрај тоа што играа со Меси, Мбапе, Верати, Икарди и сите други ѕвезди, Парижаните не можеа да ѝ дадат гол на Ница која го однесе мечот на пенали.

Јужна Америка отсекогаш била погодно тло за шаманство. Во колоритот на народни преданија и страст за фудбал, Јужноамериканците често се занимаваат и со необични нешта. Така во Перу во пресрет на важниот меч од 16. коло квалификации за Светско првенство против Еквадор, група шамани правеле ритуал за пораз на ривалот.

Најконтроверзниот италијански сопственик на неколку клубови, ентузијаст познат по ексцентричниот однос и смена на безброј тренери во краток временски период, синоќа починал.

Речиси и да нема клуб во Италија каде Пандев не остави голем печат. Со Лацио освои Куп на Италија и играше Лига на шампиони, со Наполи освои два трофеи во Купот, со Интер на Мурињо освои историска тројна круна, а во Џенова каде беше шест и пол години, на клубот му носеше големи радости со често спасување од испаѓање во втора лига.

Најголемата легенда на македонскиот спорт изненадувачки, пред самиот крај на јануарскиот преоден рок реши да смени средина. Ќе игра во некогашниот гигант на италијанскиот фудбал, денес второлигаш Парма.

31 јануари е стандарден датум за затворање на зимскиот преоден рок. Паѓале јаки трансфери во 5 до 12, ама и лапсуси. Во Серија А се памети оној на поранешниот аргентински репрезентативец кој во 2017-та од Лацио премина во Милан.

И официјалниот Твитер профил на Премиер лигата со над 30 милиони следбеници, го најави кам бекот на данскиот репрезентативец. Остави голем белег во Тотенхем од 7 сезони, 305 натпевари, 69 голови. Има уште желба и мотиви за фудбал кај овој човек кој на 14 февруари полни 30 години.

Новите сопственици на Њукасл, државниот инвестициски фонд од Саудиска Арабија кој се смета за најбогат фонд на светот, почна да ги покажува парите. Веќе доведоа сериозни засилувања за клубот кој е трет од позади на табела и води грчевита борба да не испадне во втора лига.

Човекот кој пред 7 месеци ја имаше најголемата голгота во животот и кој рече дека 5 минути бил мртов, му се враќа на фудбалот. И тоа не било каде, туку во Премиер лигата, каде играше седум сезони.

Селекцијата на Египет е последниот полуфиналист во Купот на Африкански нации откако со пресврт го совлада Мароко (2:1). Гол и асистенција за Мохамед Салах, кој асистираше идентично како против Рома во Лига на шампиони. Во полуфинале се среќаваат со Камерун, а другата двојка е Буркина Фасо - Сенегал.

Младиот фудбалер на Манчестер Јунајтед кој веќе пар сезони е меѓу подобрите стрелци во нападот на екипата и игра за репрезентацијата на Англија е уапсен од полицијата во округот Голем Манчестер поради пријава за силување и нанесување тешки телесни повреди на девојка му.