Во 2. коло од Група Е во Лига на Нации, Грузија продолжи со сјајните игри од Европското првенство каде беше најголемо изненадување и тоа како дебитант. Грузијците синоќа со 0-1 го пребродија тешкото гостување во Тирана кај Албанија а единствениот гол го постигна Ѓорѓи Кочорашвили, 25-годишен фудбалер на шпански Леванте. Грузијците сега имаат 6 бода и се први на табела со Албанија, Чешка и Украина (2 порази).

Со завршувањето на 2. коло од Лига на нации, УЕФА прашува кој гол е број 1? Конкуренцијата е голема, бидејќи паднаа четири квалитетни голчишта, а стрелци се Енис Барди, Јусуф Поулсен, Бенџамин Шешко и Ѓорги Кочорашвили. 

Во 39-та минута од мечот меѓу Чиле и Боливија имаше специфична и ретко видена ситуација на која коментаторите се смееја. Гостинскиот голман Карлос Лампе само што прими топка, легна на земја и крена рака, како знак дека се повредил. Но Едуардо Варгас ја собра топката и го израмни резултатот. За волја на вистината, Лампе навистина не лажел, бидејќи потоа го извадија од игра, а неговите по само неколку минути постигнаа гол и славеа 1:2.

Во големото дерби Колумбија - Аргентина од јужноамериканските квалификации за Светско првенство, Колумбијците им го нанесоа на гаучосите вториот пораз. Славеа 2-1 и им се приближија на табела. Аргентина е прва со 18 бода, Колумбија е втора со 16 бода, а Уругвај е трет со 15 бода. Аргентинскиот голман Емилијано Дибу Мартинез пак направи скандал после мечот, овојпат силно удрил во камерата која го снимала.

Аргентина и Бразил загубија во иста вечер во квалификациите за СП 2026. Светскиот првак е поразен од Колумбија со 2:1, а Бразил загуби од Паргвај со ремек делото на Диего Гомез од Интер Мајами. Аргентинците се и натаму лидери на табела со 18 бода. Бразилците имаат дури 4 порази после 8 кола.

Македонската фудбалска репрезентација, колку толку се извади за срамот против Фарски острови и освои многу важни и неопходни 3 бода против Ерменија. Прекината е серијата од 7 меча без победа.

6 победи, 3 нерешени и 4 порази е билансот на Македонија против Ерменија со скор од 23 дадени и 18 примени голови. На вечерашната 14-та пресметка мора да се оди на победа после оние 1:1 против островот со 50.000 жители. Најубавиот гол против Ерменците е дело на Горан Пандев кој на тогашни 21 година, со бомба ги торпедираше гостите.

Лука Модриќ на свои 39 години игра како во раната младост. Во хрватската репрезентација и натаму е капитен, лидер и стандарден првотимец. За време на тешкиот дуел против Полска во Лига Нации, вечер пред неговиот 39-ти роденден, на Хрватите им донесе огромни 3 бода со прекрасен гол од слободен удар. Овој натпревар му беше јубилеен 181. во коцкестиот дрес.

Во 2. коло од групата Г во Лига Нации, Норвешка ја совлада Австрија 2-1 со гол на Ерлинг Халанд во 80' минута од мечот. Претходно Норвежаните отворија преку Мире во 9-та минута а Австријците израмнија преку Забицер во 37-ма минута.

19 годишниот Витор Роке, кој Барселона пред две недели го прати на позајмица во Бетис, го направи најлошото можно сценарио откако го помина голманот еден на еден. Среќа пријателска е меѓу Бразил и Мексико У-20. И коментаторот го загуби балансот на крај.

Словенија го доби Казахстан со 3:0, а Бенџамин Шешко го постигна првиот хет-трик за репрезентација. 21 годишниот словенечки бисер кој му е клупски колега на Елмас, воодушеви со слалом, па уште и го зачини со маестрална завршница.

Турција под водство на Винченцо Монтела продолжува со добрите игри и по Европското првенство. Турците синоќа со 3-1 го совладаа Исланд во натпревар од 2. коло во групата Х од Лига Нации. Големата ѕвезда на турскиот фудбал, младиот Керем Актуртоглу кој пред неколку дена потпиша богат договор со Бенфика и замина од Галатасарај, постигна хет-трик и го распали стадионот „Ѓурсел Аксел“ во Ѓезтепе.

Италија има сигурен старт во Лига на нации и тоа со две гостински победи. Прво ја изненади Франција 1:3, па го совлада Израел со 1:2. Давиде Фратези и на двете средби постигна гол. Синоќа реагираше многу мангупски на центар шутот на Димарко.

Паралелно со репрезентативниот фудбал, има и по малку клупски. Во шпанската втора лига мечот меѓу Албасете и Еибар заврши 0:1. Го реши голманот на домаќините кој беше свесен дека изреагира како најдебелиот у секое маало кој обично брани.

Фенербахче доби големо засилување од Јувентус, а тоа е Филип Костиќ за кој подготвија уникатно преставување. Во главна улога во видеото е неговиот сонародник Душан Тадиќ.

Легенди на Манчестер Јунајтед и Селтик одиграа пријателски хуманитарен натпревар на Олд Трафорд на кој собраа 1,2 милиони евра. Победи Селтик на пенали со 5:4, а потегот на мечот го има 38 годишниот Вејн Руни кој сè уште е рекордер на Манчестер Јунајтед со 253 гола.

„Дали виде со твои очи дека тие што не играат и немаат клуб и континуитет, едноставно не можат!Колку и да сакаат“.

Македонската фудбалска репрезентација одигра само 1-1 во Торшавн на стартот од новото издание на Лига Нации. Домашните поведоа од пенал, Македонија израмни од пенал. Еден од најсрамните резултати во нашата фудбалска историја.

Да, така играше, шутираше и се радуваше „Ил капитано“. Ретро мајсторија, на која утринава налетавме и моравме да ја споделиме.

Аргентина со 3-0 го декласираше големиот ривал Чиле и остана апсолутен лидер во јужноамериканските квалификации за Мундијал 2026. Алексис МекАлистер, Хулиан Алварез и Пауло Дибала беа стрелци за гаучосите, а нова глупост направи голманот на Аргентинците Емилиано Дибу Мартинез. По којзнае кој пат се изглупира со противничките играчи и навивачи. Ист простачки гест каков што направи и на Светското во Катар а и подоцна. Дефинитивно ФИФА треба да го репне со драстична казна па нека се чеша.

Посед на топка 21%, удари во рамки на гол 0, вкупно удари 0...Сето ова во 90 минути игра за петти пораз на 7 меча во квалификациите за ЕП У-21 :(.

Бразилците се неприкосновени во фудбал на Параолимиски Игри откако во 2004-та година овој спорт беше воведен на Паралимијада и официјално. Кариоките имаат дури шест златни медали од тогаш но овојпат беа сопрени на Игрите во Париз од Аргентина во полуфинале на пенали. 

Јужна Кореја одигра само 0-0 против Палестина во првото коло од квалификациите за Светско првенство 2026. Јужнокорејските навивачи од трибините со бројни знамиња и пароли ја поддржаа Палестина која неколку месеци е во воен конлфикт со Израел.

Боливија за еден гол синоќа беше поефикасна од Аргентина. Го наполни голот на Венецуела со 4 парчиња. Првиот во 13-та минута е за издвојување и е дефинитивно една од најјаките бомби кои ќе ги видите месецов. Мајсторот се вика Рамиро Вака.