На последниот настан се славеа достигнувањата на 20 млади креативци кои учествуваа во Академијата, иницијатива која има за цел да го премости јазот помеѓу формалното образование и креативната индустрија преку обезбедување директен пристап до менторство, практично искуство и развој на кампањи во реалниот свет.
Академијата за креативни млади на едно место собра учесници на возраст од 18 до 30 години кои беа вклучени во интензивната програма за едукативен и професионален развој во насока на подготовка на следната генерација професионалци од креативната индустрија.
Жарко Димитриески, коосновач и креативен директор во BDG агенцијата, ја нагласи важноста од создавање практични можности преку кои младите креативци ќе можат да стекнат искуство во индустријата и да ја развијат самодовербата потребна за влез во професионалниот свет.
Програмата започна со двонеделен интензивен курс во Скопје, предводен од ментори од BDG агенцијата и Sharper B2B, по што следеше тримесечна менторска фаза и работилница што опфаќаше креативна стратегија, визуелен дизајн, видео продукција, креирање приказни во насока на комуникација и управување со проекти.
Даниел Фајлер, заменик амбасадор во Британската амбасада, истакна дека поддршката на Британскиот совет за Академијата за креативни млади покажува што може да се случи кога креативноста, партнерството и можностите ќе се спојат. Преку силна соработка помеѓу Обединетото Кралство и Северна Македонија и под раководство на Британскиот совет, оваа програма го премостува јазот помеѓу образованието и индустријата – овозможувајќи им на младите луѓе, од кои 70% се жени, да ги стекнат потребните вештините и искуството што им за успех. Со оглед на тоа што учесниците веќе си обезбедуваат работни места, се докажува дека инвестирањето во млади таленти дава вистински резултати и го зајакнува креативниот сектор.
Во последната фаза, учесниците работеа во тимови на вистински комуникациски брифинзи за Горење и НЛБ, изработуваа концепти за кампањи, презентираа идеи и градеа професионални портфолија преку практично искуство во симулирана агенциска средина.
Програмата постигна значајни резултати, 20 млади учесници ја завршија Академијата, 70% од учесниците беа жени, беа изработени две бренд кампањи за Горење и НЛБ, а четворица учесници веќе обезбедија вработување во креативната индустрија.
Клер Сирс, директорка за Србија и Западен Балкан во Британскиот совет, истакна дека програмата покажува како преку инвестирањето во креативните вештини и меѓународните партнерства може да се постигне мерлив ефект, да се подобри вработеноста и да се поддржи развојот на следната генерација креативни професионалци.
На настанот беа претставени и завршните кампањи изработени за Горење и НЛБ, по што следеше прием и сесија за вмрежување на која се собраа учесниците, менторите, партнерите и претставниците од креативната заедница.
(Комерцијален текст)
