Анализата ја прават од Универзитетот на Регенсбург, а во неа Германците истражуваат речиси 70.000 случаи на рак. Заклучокот е дека седењето е поврзано со:
- 24% зголемен ризик од рак на дебелото црево
- 32% зголемен ризик од рак на матката
и
- 21% зголемен ризик од рак на белите дробови
На сето ова дополнителен проблем е што негативните ефекти од седењето испитаниците не успеале да ги надоместат дури ни со исполнување на препорачаните нивоа на вежбање и физичка активност.
Главната поврзаност на седењето со здравствените проблеми е по две основи:
1. Седењето = дебелеење = зголемен ризик од рак
Кога седиш трошиш една калорија на минута. Дебелината е познат фактор за голем број болести. Ризикот од рак потекнува од тоа што дебелината предизвикува отпорност на инсулин и воспаленија во организмот, кои се два од многуте фактори што ја зголемуваат опасноста од рак кај дебелите.
2. Седењето = неактивни мускули = штетни биолошки сигнали
Седењето значи дека и големите мускули кои го поддржуваат држењето на телото, како квадрицепсот и глутеусот, не прават ништо. Кога се активни овие мускули создаваат голем број корисни молекули. Кога ќе седнеш се прекинува нивното производство.
Најчеста жртва на прекинатото производство е липопротеинската липаза, ензим кој според докторите работи како "правосмукалка за мастите во крвотекот." На експерименти со глувци кои биле неактивни 24 часа, производството на овој ензим паднало за 95%. Заради ова нивните мускули имале 75% намален капацитет за отстранување на штетни масти од крвотокот, а имале и пад на "добриот" холестерол.
Околу целиот проблем научниците се сигурни за две работи, прво, дека вежбањето нема да помогне да се поништат штетните ефекти од седењето, и дека единствен спас е да се прават паузи додека седите на работа. Она за што не се сигурни е на колку време треба да се прават овие паузи и колку треба да траат истите.
