37 годишниот Андерс Брејвик ја обвини норвешката влада дека во неговиот случај повредува две одредби од меѓународната конвенција за човекови права: Првата гарантира "почитување на приватниот и семејниот живот" во што спаѓа и правото за кореспонденција со надворешниот свет а втората забранува "нечовечки или деградирачки трeтман или казнување".
Масовниот убиец кој во 2011 потепа 77 млади лица се наоѓа во затвор на стотина километри од Осло а неговиот адвокат вели дека условите во кои ја одлежува казната од 21 година го доведуваат до стрес. Затворските власти велат дека неговата комуникација е цензурирана за да се спречи Брејвик да создава екстремистичка мрежа од фанови.
Тој и порано ја обжали "речиси целосната" изолација во која се наоѓа и побара повеќе од еден час дневно прошетка на чист воздух заради што едно време и протестираше со глас.
Сè на сè, епилогот на овој случај е дека заради немање услови за нормален академски напредок, Брејвик бил принуден да го напушти дописниот курс за политички науки на Универзитетот во Осло. И 77 загинати.
