Реал и Севиља имаа бурен натпревар. Гостите од Андалузија на два пати водеа, ама домаќинот се враќаше и со освоен бод ги задржа шансите за титулата.
Интересно беше во последните 15 минути кога и двата тима имаа шанси за гол. Прво после еден корнер на Севиља топката го удри во рака стоперот Милитао, но акцијата продолжи и на другата страна голманот Боно направи прекршок за пенал над Бензема во шеснаесетникот.
Но судијата Хуан Мартинез Мунура гледаше ВАР и досуди пенал за Севиља поради играњето со рака во претходната акција. Иван Ракитиќ беше прецизен за 1-2.
На кај Реал се спаси кога по еден шут од далечина на Тони Крос, топката се одби од Еден Азар и влезе во голот за 2:2.
ПОСЛЕ 35 КОЛА ДРАМАТА Е УШТЕ ПОГОЛЕМА
Иако од сабота во сабота, од недела во недела се очекува разврска во шпанска Ла Лига, такво нешто уште нема.
Сите 4 екипи на врвот имаат шанси за титула.
Атлетико Мадрид е прв со 77 бода а го чекаат уште дуели со Реал Сосиедад (дома), со Осасуна (дома) и Ваљадолид (на гости).
Реал Мадрид и Барселона имаат по 75 бода. „Кралевите“ ги чекаат незгодни гостувања кај Гранада и Атлетик Билбао, а во последното коло на 23 мај го пречекуваат и Виљареал кој игра финале на Лига Европа со Манчестер Јунајтед.
Барселона ја чекаат Барди и Леванте на 11 мај на гости, после Селта Виго на „Камп Ноу“ на 16 мај и во последното коло гостување кај Еибар. Севиља е четврта со 71 бод. Андалузијците ги чека незгоден распоред со Валенсија дома па со Виљареал на гости и со Алавес дома.
