Воведната шпица од Отпишани во филхармониско пакување. Нема многу што да се каже, има многу што да се чуе.

За да знаете во каков свет живеете не е доволно да сте информирани дека деновиве жените (освестени, политички писмени, храбри, гласни, одважни итн.) протестирале против Трамп. Треба да ѕирнете во стварноста и еден ден подоцна.

Некогашен министер за образование во српската влада и универзитетски професор деновиве бил најден премрзнат на клупа во парк. Приказната е тажна а богами и поучна, само што секогаш постои можност некој да извлече поинаква поука. Па да почне да краде уште повеќе за да се обезбеди на време. Едит: Оваа приказна на српски Курир, други српски сајтови (Блиц, Информер) ја прогласија за тотална измислица. Бетер се од нашиве.

Дечкото е од Бугарија и се занимава со правење визуелни ефекти за Видео Копилот. Кога ќе му се здосадат ефекти снима видеа и тоа одлично му оди.

Како претседател на САД ќе раководи со огромна машинерија од луѓе. Сепак еден е оној прв и најблизок круг на луѓе во кои владетелот има најголема доверба. Кои се тие кај Трамп, со малку побитолчанети прекари.

Денес во Ресторан Four во Парк Хотел и Спа пред македонските тур оператори се одржа предавање на тема „Светски трендови и стандарди во туризмот“. Предавањето го одржа светски реномираниот говорник, глобален тренер, успешен претприемач, експерт-консултант, како и објавуван автор и издавач, д-р. Прем Јагијаши.

Пред само четири години немал телевизор да гледа Премиер лига, чекал пред селската коперација каде имало сателитска да му кажат што се случувало на натпреварите, а денес е ударна игла во шпицот на Сити под водство на Пеп Гвардиола.

Англискиот шампион е на 15 позиција со мизерен скор од 5 победи, 6 нерешени и 11 порази. Нивното злато од среден ред до сега во Челси украде 52, читај педесет и две топки.

Романија, регионалниот златен стандард за прогон на поранешни функционери и премиери за корупција, од пред речиси 20 дена има нова влада, предводена од истата партија како и премиерот што пред некоја година кој стана пример за тоа дека и претседателите на Влада можат да одговараат пред суд.

Јануарската битка на Типстер е при крај и се поизвесно е дека прв ќе остане Никола кој ги погоди поразите на Манчестер Сити и Јувентус од Евертон и Фиорентина.

Луѓе од универзитетот Пердју изработиле симулатор за тоа каков импакт би имал удар на некој астероид врз Земјата. Притоа, сами треба да решите каде да удри, колкав да биде, од каков материјал да е составено тоа тело и под кој агол и брзина да ѕвизне во планетава. Срам ни е да кажеме што параметри пишавме,  изгледа претеравме.  

Под овој наслов новинарката Асра Нумани го пишува текстот за Њујорк Тајмс, кој почнува со: Која е поврзаноста меѓу еден од најголемите донатори на Хилари Клинтон и Женскиот марш на Вашингтон? Излезе дека е прилично значајна.

Од почетокот на оваа година американскиот Конгрес има сериозен предизвик. Пред себе има закон со кој претседателот би се задолжил да ја извади земјата од членство во Организацијата на обединетите нации. А и овие ќе мора да се селат од таму. И, погодувате, тоа не е сè.

За оваа дебата ќе ви кажеме само две работи: кои се учесниците и колку трае. Тука се: Оливер Стон, Дензел Вашингтон, Мел Гибсон, Бери Џенкинс (Moonlight), Демиен Шазел (Whiplash, La La Land) и Мира Наир (Queen of Katwe, The Namesake). Муабетот трае еден час и седум минути. А сега вие слободно кажете: Саат време? Многу е.

Поминал тешко време со повредите кои го исфрлиле надвор од првите 1.000 тенисери на светот, но решил со напорна работа да се врати и тоа му се исплатеше на годинешниот Австралија Опен каде се прослави против тенискиот рекет број 1.

Исто како претходниот понеделник, така и сега имате на тецна еден брз пресек со сите голови од 21. коло во Серија А, со исклучок на таа вечерната од недела. Важни 3 бода за Наполи на тешкото гостување на Меаца, скок на Интер на 5. место и нов пораз за нашите Несторовски и Трајковски. Шампионот продолжува шампионски.

Рускиот претседател и неговото видување за светогледните разлики меѓу Американците и Русите, за вредните страни на американската дипломатија и нејзината опачина. Можете да му наоѓате мани на историчарот Путин сè додека не помислите како ли историјата му изгледа на неговиот колега Трамп: "На почетокот беше ништо. И после победив јас".  

На прв поглед фотографиите се сосема обични. Имаат хаштази, емоџи (смајли, срце, ѕвездичка), ликовите на нив изгледаат како да се забавуваат. Но нешто почнува да не штима кога ќе сфатите дека тие се направени среде споменик на холокаустот.