Поуката не треба да е „во Германија сè е чисто“, туку „во Германија сè (цело време и систематски) чистат“. И тие да не чистат, истото ќе биде како кај нас, не дека се магичен народ што не создава ѓубре или не му се затнуваат шахти.

Откако им завршува употребливоста, градските власти на Сеул решаваат дека речиси еден километар поранешни улици (дигнати, на столбови), ќе бидат претворени во шеталиште - градина. Мандатот да им се позлати.

Како за луѓе со неколку децениски стаж во пешачење или возење на улиците на Скопје речиси и да нема некое поегзотично видео од местење на совршено рамна шахта.

Решението за загадувањето на колите моментално е идентично со решението на проблемот со дебели луѓе. Како што дебелината се повеќе се решава со бутај колку сакаш само гледај да е здраво, така и загадувањето се решава со вози колку сакаш коли, само гледај да се електрични. Не може така за сè.

"Дали Гоце Делчев беше македонски херој или анти-српски идеолог?", мозга белградска Политика по повод иницијативата да се преименува улицата во главниот град на Србија која над половина век го носи неговото име.

Автомобилите се агресивни суверени на градските улици додека пешаците треба да бараат пешачки премини и таму трпеливо да чекаат некој да се смилува и да застане. А бидејќи се сè подисциплинирани, сè почесто и гинат по зебрите. Индустријализација + пешацизација = раат?

Не сме одушевени од било чии намери да се менуваат називи на улици. Не заради парите и идеологиите туку затоа што тоа секогаш значи бришење на нечии спомени. Си проодел на ТАА улица, првата тепачка си ја имал на ТАА улица, првпат си се пољубил баш на ТАА улица. Таа улица била именувана по некој безначаен за Македонија? Sо what? Значаен е за сите кои растеле и шпартале по неа. Но, кога веќе си играме играчки, да пробаме да избуткаме некој наш предлог.