Ако некој мисли дека направил пропуст за Св.Валентајн, трк по мезе и вечер со еден метак два зајци. За почеток “однесете ја“ во Париз. 

Ентони Нвакаеме не си сам. Во конкуренција за промашување на годинава ти се приклучија уште двајца. Каспер Долберг од Ница на мечот против ПСЖ и еден цреп од Канада. Неверојатни утки.

На 23 мај 2015-та и кажа збогум, на 8 ноември 2021-ва и се врати. Врската меѓу Чави и Барселона е нераскинлива и беше само прашање на време кога ќе се сретнат повторно. Овој пат во нова улога која ја добива во деликатен момент за клубот и играчки и финансиски.

Со Ди Марија и Икарди на клупа и Меси повреден, ПСЖ без проблеми го делка Бордо на гости и по 1 час игра има 0:3. Кога Мбапе асистира, а Нејмар погодува, тоа е убавина за гледање, а се случи два пати во првиот дел.

Во дербито на колото во Франција, во 57-та минута ПСЖ остана со играч помалку против Марсеј откако Хакими доби црвен. 15 минути подоцна силите на терен беа израмнети, а најхит ќе беше Лео да му ја додаде и овој да даде гол.

ПСЖ има предност од 1:0 по првото полувреме на дербито на колото во Париз, а Манчестер Сити ја направи утката на месецот по која Пеп Гвардиола се држеше за глава. Две пречки за две секунди и драма пред голот на Донарума.

Сите рипнаа од клупа да се израдуваат на голот во 93-та вреден победа против Лион, само Меси стана на нозе, посматраше со ладен поглед и едвај аплаудираше. Не е добро ова за тимскиот дух, на кој Покетино со толку ѕвезди ќе има многу работа.

Почнаа да играат суетите во дрим тимот на ПСЖ, а тоа може да се забележи по реакцијата на Меси кој беше незадоволен што Покетино го извади во второ полувреме на местото на Хакими во 76-та минута.

Иако дојдоа во Белгија во страшен состав, со триото Меси-Мбапе-Нејмар во напад, фудбалерите на ПСЖ не успеаа да слават против Клуб Бриж и мечот заврши само 1-1. Лионел ја имаше првата сјајна прилика да го даде првиот гол во новиот клуб. Во негов стил, со внатрешно ефе.

Леонардо Нашименто де Араухо. Бразилецот кој правеше чудесни дриблинзи во дресовите на Фламенго, Сао Пауло, Валенсија, Кашима Атнлерс, ПСЖ и Милан. Освои многу трофеи, највреден секако е златниот пехар со Бразил на Светско првенство 1994 во САД. А негов најубав гол во кариерата? Во дресот на Кашима во Јапонија.

Бидна и тоа. Најголемиот на сите времиња според многумина, дебитираше во новиот дрес. На мечот Рем - ПСЖ во 60-та минута отиде на загревање, а во 65’ минута влезе место другар му Нејмар. Одигра пристојно и доби аплаузи и овации од цел стадион. Една камера била задолжена само за него.

Овации, банери, автограми и сликања од домашни навивачи и играчи. 120 новинарски барања во град со помалку од 200.000 жители, карти на црно до 6.000 евра, реакција од публиката на секое негово додавање. Ремс синоќа беше во транс.

Се појави роденденска фотографија со ѕвездите на ПСЖ на која го нема Килијан, а се врти и муабет дека е опседнат со трансфер во Реал Мадрид. Ако не се случи тоа, тешко на дефанзивците и голманите кога ќе треба да го сопрат ова страшно дуо.

Лионел Меси веќе неколку дена тренира со новите соиграчи во ПСЖ и се спрема за дебито во дресот на Парижаните. А во Каталонија изненадно на аукција се појавило марамчето со кое Аргентинецот ги бришеше солзите на заминувањето од Барселона.

Аргентинскиот великан веќе се запозна со клубот, со луѓето од управата, со навивачите, а конечно излезе и таму каде што најмногу сакаше, на терен меѓу соиграчите.

Аргентинскиот ас полека се опоравува од шокот по раскинот на договорот со Барселона и се запознава со новиот клуб, новите соиграчи, новите навивачи, новата управа. Пред стадионот „Парк на принцевите“ каде одржа прес-конференција како нов играч на ПСЖ, го пречекаа стотици ултраси на парискиот клуб.

После низа перипетии, Лионел Меси конечно е во ПСЖ. Го одбрал бројот 30 со кој дебитираше во професионалниот сениорски фудбал и го носеше во првите години од кариерата.

Во вторникот на 10-ти август целиот свет на спортот го следеше преминот на Лео Меси во ПСЖ. Идеална илустрација за тоа колку гореше Интернетот се бројките.

„Утрово кога го напуштив тренинг центарот, бев сведок на една шокантна сцена, која деновиве станува пречеста“, напиша бекот на ПСЖ, Лајвин Курзава.

Скокање, сликање со трофејот и урлање шампиони, шампиони е веќе видено и стандардно на секоја ваква церемонија, а исто и пукање конфети, па Преснел Кимпембе и Тимоте Пембеле смислија нешто ново.

Фудбалерите на ПСЖ дури на пенали успеаа да го совладаат Монпеље и да обезбедат пласман во финалето на Купот на Франција. Во 93-та минута на 2:2, беше драма и пол. Домаќините спасија чист гол на гол линија, откако голманот веќе беше совладан.

Манчестер Сити го сврте првиот полуфинален дуел со ПСЖ за само седум минути и од негатива 1:0 на крај славеше 1:2 па така стана фаворит за финале.

Од десетина неверојатни шанси на двете страни, пречки и одбранети зицери, најинтригантен момент беше бурната прослава на Нејмар и Леандро Паредес во лице пред Јошуа Кимих.

228 дена откако во финале на ЛШ во август лани во Лисабон Баерн го совлада ПСЖ, вечерва во Минхен во првиот дуел од 1/4 финале Парижаните остварија триумф пред реваншот. Порто и Челси играа во Севиља поради ригорозните мери во Португалија.