Шкендија - Борец, македонска прва лига. Еден од играчите повреден лежи на терен. Нит се истрчаа да го земат со носилки, нит со оние количкине. На раце го изнесоа, како да е ова меч од 1952-ра година. Па уште и на Арена ја даваат, за да пукне регионална брука.

Селската финта совршено се вклопи во мега популарната Фејсбук страница „Сеоски фудбал“, која е насочена главно кон балканштината. Горд на неа е навивач на ФК Скопје во дуел со играч на Академија Пандев. Значи зборуваме за прва лига.

Фудбалскиот клуб Струга Трим Лум е единствен во земјава на чиј стадион редовно има стотина гледачи. Екипата немаше пораз точно една година (10 меча по ред), од 3 март лани, ама денес таму 3 бода освои Пелистер со гол во 90+2' минута. Слушнете рафални пцовки кон судијата кој не досуди очигледен пенал за Струга во последните секунди од мечот.

Да, една година помина, а срамот беше преголем и уште е. Плус не се случи во некоја селска, туку во прва лига на мечот Македонија Ѓорче Петров - Академија Пандев. Ви благодариме ЕСПН што вака петочки нè насмеавте и не вративте на оваа неповторлива и безвременска сцена.

Дигиталниот магазин за домашен фудбал „Footbla Digital“ ги собра на едно место најјаките голчишта од полусезоната во првата македонска лига. Компилацијата е доста богата и атрактивна, па така на пример Клисман Чаке се истакна како Кварезма, а Нијаз Лена се претвори во Жунињо.

Македонската репрезентација да ја гледаш и да уживаш, македонската лига НЕ. Ако некој странски медиум реши да прави сторија за дебитантот на ЕП 2020, нека ни го рипне домашното првенство. Тој дел не ни е за во јавност.

Во 16. коло од македонската Прва лига, Силекс и Струга Трим Љум играа фудбал на натопен терен поради обилните врнежи во Кратово. Домаќинот доби пенал во 27' минута кој го промаши Денис Ристов - Рики, откако се лизна при шутот и топката отиде високо над голот.

Тоа дека ќе не има во регионот се знаеше, него јакото е што за “професионализмот“ во македонскиот фудбал се зборува и пошироко, плус јасно им е и дека се работи за клубот на Горан Пандев. Срамотилаци.

Се вика Стефан Костов, игра во прва македонска лига, а направи потег кој не поминува ни на натпревар меѓу Долно Коњари и Врапчиште. Каков црвен бе, дечко ти си за Оскар.

Во недела од 13:00 часот се игра големото дерби во македонската прва лига меѓу Вардар и Шкендија. Скопскиот тим игра одлична полусезона и им бега на Тетовци 8 бода пред крајот на есенската полусезона. Комитите спремаат прослава на неколку јубилеи.

Во 2. коло од македонската прва лига, Гостивар изгуби од Куманово 75-63 во меч во кој тренерот на Гостиварци Марјан Србиновски на тајм-аут како кочијаш ги пцуеше своите пулени. Мечот го пренесуваше Македонската радио телевизија па гледачите ги изеде туѓ срам.

А ќе дојде јули-август, па пак ќе се дурат како убаво го пречекале Милан или некој друг гигант и тоа благодарение на учеството во македонската лига која е полноправна членка на УЕФА и ФИФА.

За време на дербито меѓу Шкупи и Вардар кое Чаирчани го добија 2-0 со два маестрални гола, домашните навивачи извадија парола како одговор на Комитите од пред некој ден.

Вардар изгуби од Шкупи 2-0 и сега заостанува цели 14 бода зад Шкендија која има два меча повеќе од „црвено-црните“ кои денес во Чаир играа на нешто што не личи ни на свињарник.

Како ретко кога навивачите на македонскиот шампион се спремаат да го прослават својот роденден. Во недела организираната навивачка група „Комити“ ќе прослави 30 години од своето основање а поклон за роденденот им е мегдан со битолски Пелистер, на „Градски“ во недела од 18 часот.

Раководството на прилепска Победа, фудбалскиот прволигаш којшто еднаш настрада по матните игри на одредени функционери во минатото, сега решија да го кренат гласот против тие што ги користат за политички цели.

Не се фаќаме/фаќајте за тоа дали ова е профил на фудбалер од македонска прва, втора или трета лига, иако според муабетите кои се слушаат за некои клубови може да биде и прва. Одиме со ред:

Завесата се спушти во Италија, Шпанија, Германија и Франција, а Англичаните традиционално ќе играат на денот после католички Божиќ (Boxing Day) и на 1-ви јануари.

Навивачите на Шкупи, „Шверцерите“, на својот стадион во Чаир ја прославија победата над ривалот Шкендија во Тетово од 0:1 со тоа што правеа акција со зелка. По некои писанија на навивачките форуми, ваквата симболика имала врска со прекарот кои Чаирци им го наденале на навивачите на Шкендија.

По инцидентот пред неколку седмици кога поранешните претседател и потпретседател на Брегалница го пресретнале со кола додека се враќал од Кочани кон Штип и физички го нападнале, турскиот тренер на Брегалница сега повторно се соочува со нови закани.

Откако една година играат во втората лига, фудбалерите на Пелистер сега имаат голема шанса преку бараж-двомечот со Хоризонт Турново да се вратат во најдобрата македонска лига.