Ник Кирјос не настапува на Австралија опен поради повреда и ангажиран е во Еуроспорт како стручен коментатор. По денешното прво четвртфинале, имаше кусо интервју со Ѓоковиќ на кое падна јак муабет кој оди вака:

Австралиецот кој не учествува на Гренд слемот на домашно тло поради повреда е стручен коментатор на Еуроспорт. Го вклучија за време на интервјуто на Ѓоковиќ и му се понуди да рипне за него од коментаторската ложа за да го среди провокаторот од трибините со кој Новак имаше жестока расправија за време на мечот со Алексеј Попирин.

Само еден ден откако на мангупски начин го имитираше Меси, Новак Ѓоковиќ одново се погрижи за забава, овој пат со тениско загревање пред Австралија опен на кое му се придружи Кирјос со кого ги средија односите на Вимблдон минатата година. Падна и оро.

Ник Кирјос игра во топ форма, но по сјајната елиминација на првиот носител Медведев, не успеа да го мине и Карен Хачанов. Русинот славеше 3:2, но најјаките потези во четвртфиналната битка ги имаше Австралиецот.

Ник Кирјос ќе игра историско четвртфинале на Гренд слемот во Њујорк, откако го исфрли и го изненади Данил Медведев, инаку бранител на титулата и прв носител, кој ќе го загуби првото место на АТП.

Се работи за Вимблдон 2014-та кога Ѓоковиќ во финалето го совлада Федерер и стигна до вториот трофеј. Во четвртото коло, Рафа Надал како број 1 на АТП се соочи со шок, бидејќи беше изненаден од дебитантот Ник Кирјос со 3:1. Да ја погледнеме неговата дрскост уште на 19 години.

Ако немавте вчера после неделниот ручек слободни 3 часа за финалето на Вимблдон, тогаш ви преостанува да чекате снимка или да го изгледате хајлајтсот со најатракривните поени. Да потсетиме, Ѓоковиќ го победи Кирјос со 3:1 и му направи пресврт.

И покрај сите испади на Ник Кирјос за Ѓоковиќ низ годиниве, по финалето на Вимблдон, Србинот го испофали својот противник и удри добар мајтап.

Првото свое финале на Вимблдон, Кирјос го помина во разговор со судијата. Имаше милион забелешки за однесувањето на некои гледачи, е меѓу многуте циркузи му го извадија ова видео:

Во прво коло плукаше накај публика, па на сред прес конференција јадеше суши. На страна неговите редовни испади, умее да направи шоу и со јаки, ама и со необични тениски удари. Вимблдон собрал доста добар материјал.

Уште во првото коло на најпрестижниот тениски турнир, Ник Кирјос почна со циркузи во негов стил и тој веројатно стана прв спортист кој седна да вечера на прес конференција.

Нов испад на Ник Кирјос кој загуби 2:1 од Надал во четвртфиналето на Мастерсот во Индијан Велс. Веднаш по поздравувањето нервозата му ја истури на рекетот, но куртули благодарение на брзата реакција на детето кое собира топки.

Ник Кирјос и Танаси Кокинакис ја освоија титулата во машки довјки на Австралија опен откако ги совладаа сонародониците Метју Ебден и Макс Пурсел. Американски новинар им постави глупо провокаторско прашање на кое му одговорија иронично, брзо и спремни како пушка.

Контроверзниот Ник Кирјос не помина добро пред својата публика на отвореното првенство во Мелбурн. Во прво коло го совлада Лиам Броуди од Велика Британија и се соочи со еден куп свирежи, а во второ очекувано загуби од фаворитот Данил Медведев. А тек Новак ако играше?

Контроверзниот Австралиец кој често се глупира на терен, овој пат ја фрли публиката во транс. Кирјос стартуваше успешно во првото коло на Австралија опен, со победа над Лиам Броуди од Велика Британија од 3:0 во сетови, а во еден момент сервираше за овации.

Австралискиот тенисер Ник Кирјос изгуби претпладнево 2-1 во сетови на турнирот во Торонто од Рајли Опелка. За време на тај-брејкот во вториот сет кој Опелка го доби 6-7, Кирјос и се сврте на судијката што не видела како ривалот ја допира мрежата. Пцуеше бесен ко рис.

Толку требаше, еден ден помина и ете го Ник Кирјос, пак со некое нетипично однесување. Третото коло не го доврши и го предаде мечот поради повреда, а во центарот на вниманието беше уште пред да почне мечот. Со погрешни патики се појави црепот.

Најконтроверзниот тенисер на денешницата, Ник Кирјос очигледно нема грам респект кон противниците. Се пријавува на Вимблдон, а се однесува како да игра тенис позади Алумина. Во ред е што го победи Џанлука Магер 3:0 и се пласираше во трето коло, ама ова на крај е понижувачки однос.

Глупердата од тенисер кој повеќе е познат како глуперда отколку како тенисер, сакаше пак да се направи интересен и за чудо успеа да ја насмее публиката. Жртва му беше Надал. Ова можеби некако ќе му пројде за разлика од тоа со бананата, ама пак е глуп.

Да не сте се запрашале каде е и што прави Ник Кирјос, бидејќи го нема нешто во последно време. Епа на Австралија опен е, игра на свое тло и прави што му дојде на памет во моментот. Тенисерите како сувенир обично во публика фрлаат стегачи, а овој што стигне и најде на клупа.

За време на мечот од АТП Купот против Ник Кирјос, Стефанос Циципас во еден момент поради изгубен поен грубо мафташе со рекетот пред неговата клупа каде седеше татко му Апостолос. Циципас дури и го цивна стариот со рекетот, а мајка му, Јулија Салникова се симна од трибините за да го смири синот. На крај Кирјос славеше во три сета после 2 часа и 40 минути игра.

Австралискиот тенисер со грчко потекло ги откажа настапите на претстојните турнири во Виена и Париз, од причина што имал удар со неговиот автомобил во Австрија.

Го пратија на ладење. Ќе има таман време да размисли за сите глупости кои ги направи во изминатиот период, а со кои не само што го наруши реномето, туку и го навлече гневот на целокупната јавност. Голем талент и потенцијал ама има проблеми со главата.

Црепот нема ден да не направи глупост или на тениски терен, да се скара со судија или да напише некоја навреда на Твитер. Ама затоа покрај себе има прекрасна девојка.