Да повториме, на Фејсбук му е повеќе од доволно само да ја имате инсталирано неговата апликација (без ниту еднаш да ја отворите или пак да се логирате) за да може да ве следи што правите (ако немате Фејсбук апликација на телефонот, а имате Инстаграм или Вотсап, исто ви се фаќа). Епл најде лек и за тоа во нешто што се вика „Транспарентност на следење“.

Една од пораките кои се проткајуваа низ сведочењата на Марк Закерберг пред американскиот конгрес беше обѕирната желба корисничкиот договор за Фејсбук да биде разбирлив за луѓе. Или како што ќе објасни еден од сенаторите „Еве што сакаат сите денес да ти кажат - и ова го кажувам нежно - твоите правила за користење не ги бива. Нивна цел е да го покријат задникот на Фејсбук, а не да ги информираат корисниците кои се нивни права.“

Следењето што денес ни се случува е полошо отколку во Советскиот сојуз. Ни требаат закони кои ќе го спречат собирањето на овие податоци, пишува претседателот на фондацијата Слободен софтвер, Ричард Сталман.

На Фејсбук во секој момент активно роварат илјадници апликации од надворешни компании чија единствена задача е да соберат што е можно повеќе лични податоци од корисниците на социјалната мрежа, за истите, најчесто, повторно да бидат искористени на Фејсбук. Гревот на Кембриџ аналитика е што овие податоци ги искористи во корист на брегзит и Трамп.

Заради недозволено собирање лични информации како пол и религија на милиони шпански корисници, Фејсбук ќе треба да и исплати на Шпанија казна од 1,2 милиони евра. (Сумата не е грешка).

Секој пат кога Фејсбук ќе направи апдејт на политиката за приватност, луѓето некако мислат дека можат да ги сопрат промените објавувајќи еден конкретен статус на својот ѕид.