Иако беше најдобар на теренот за својот тим кој изгуби 0-2 од Јунајтед, малку фалеше Џонџо Шелви да добие директен црвен картон и не е јасно како судијата не го виде ова?

По безобразно опасниот старт на Томас Милер кој без акал му влезе со копачка во глава на играч на Ајакс, крајно сељачки стар направи и Рикардо Кварезма. Бешикташ го изеде дома од Малме и во директен дуел остана без нокаут фаза во ЛЕ, а Португалец доби заслужен црвен картон.

Во рускиот фудбал се отвори полемика околу намерните и многу ризични стартови на Леандро Паредес во кого сомневаат дека намерно направил црвен картон за да земе слободни денови.

Дерик Вилијамс од Блекбурн синоќа на мечот против Блекбурн се сопна, ја грабна топкава в раце и се направи будала дека за сопката му следува фаул. Ајде под туш.

Бразилскиот репрезентативец пред крајот од мечот меѓу Јувентус и Сасуоло (2-1) директно во лице одблизу го плукна Федерико Ди Франческо. Судијата повика ВАР репетиција и без размислување му даде директен црвен картон на Даглас Коста кој утрово им се извини на сите навивачи на Јувентус и на соиграчите и управата.

Ова може да го класифицираме како кривично дело. Фаулот кој го прави репрезентативец на Бурунди над капитенот на Танзанија до 17 години Абрахам Морис е за доживотна суспензија.

Мечот против Сенегал кој Колумбија го доби со 1:0 беше најголем испит во кариерата на 32-годишниот Карлос Санчез кој игра во шпански Еспањол. Неколку дена претходно се соочувал со закани по живот од малоумници на социјалните мрежи.

Таман му тргна и фати место во прв тим и на крај ја оплеска. Горан Пандев денеска беше на клупата за резерви и доби шанса на стартот од вториот дел. По 25 минути во игра му влезе грубо на Бруно Гаспар и заслжено беше исклучен. Фиорентина потоа направи целосен пресврт и победи 2:3.

Јувентус поведе против Интер во 14’ минута преку Даглас Коста, а само три минути подоцна Весино доби црвен картон по стартот над Манџукиќ откако судијата Орсато кога ја виде лузната на Хрватот побара ВАР.

Сте слушнале ли за идејата: Ќе бидеш суспендиран онолку време колку што ќе биде отсутен играчот кој си го повредил? Епа ете ја на дело во Бразил, сосем исправно.

Голман од четвртата италијанска лига беше искрен до даска околу повикот од природата кој бил неизбежен за игнорирање на сред натпревар, но тоа не му донесе помилување кај судијата.

За време на меч од втората шпанска лига, тренерот на Културал Леонеса, Рубен де ла Барера доби директен црвен картон поради тоа што прекина контра на Албасете. На крајот мечот заврши како што почна 0-0.

Уругваецот Паоло Монтеро кој играше за Јувентус е најисклучуваниот фудбалер во историјата на Серија А. На табелата ги има уште и Тоти, Амброзини и Бергоми, а го нема Матераци.

Фудбалерите на Работнички го совладаа Вардар со 2:1 во дербито на колото во првата македонска лига. Ах колку ни е мизерна таа наша лига која веќе ни семкарите не ја следат. Дејан Блажевски зема да се витка и да се држи за колено како да го тепале со шипка, а голманот на Работнички, Даниел Божиновски доби црвен картон за ништо. Уште почудно е што главен судија на мечот беше Александар Ставрев.

Повремениот англиски репрезентативец Адам Лалана се врати од повредата и формата ја крева во резервниот тим на Ливерпул (У-23) за кој играат претежно млади играчи. На мечот на младинците против Тотенхем во 63’ минута, Лалана после еден дуел со Џорди Марш го фати малиот фудбалер за врат со ММА потег. Ги раздвои Дени Ингс кој исто игра за резервите на „Црвените“. Лалана одма доби црвен картон.

Англискиот четвртолигаш Нотс Каунти има голман со краток фитиљ и затоа заслужено си доби црвен картон. Деца во маало не прават вака.

ПАОК како ретко кога на крајот од јануари и натаму е во трката за шампионскиот трофеј. Синоќа славеше 3-0 над Аполон Смирнис, а момент на мечот беше кога судијата го исклучи гостинскиот играч Фонси Надалес што извел слободен удар пред неговата свирка.

Португалецот важи за еден од најрасипаните фудбалери на денешницата. Скоро да немало натпревар да не удрил лакт, да не влегол со две нозе или отворен ѓон или да не штипнал и плукнал некој. Страшно колку е пргав.

Во неделниот класик на францускиот фудбал Марсеј - ПСЖ, Нејмар доби два жолти картони за пар минути и прво исклучување во дресот на Парижаните. Со овие картони „О’Неј“ на 25 години и 526 меча во кариерата собрал вкупно 8 црвени и 138 жолти картони. Колку за споредба силеџијата Пепе на 530 меча добил 123 жолти и 9 црвени картони.

Никола Боранијашевиќ од Напредак Крушевац е добитникот на најглупавиот црвен картон во историјата на фудбалот. Доби жолт картон против Партизан затоа што многу се мислеше додека изведува аут, па потоа доби уште еден поради приговор. Баналната одлука беше на извесен Новица Ангеловски, веројатно наш според името и презимето.

Исто ко мајстор да тргне без алат, така и најдобриот англиски судија Марк Клатенбург дојде на еден натпревар од Премиер лига без картоните. Па кога тргна да подели некој жолт сфати дека ги заборавил.

А ќе рече човек како вчера да беше. Зизу го играше последниот фудбалски меч во богатата кариера, а се посрамоти пред целиот свет со неспортски потег. Доби црвен картон во финалето на Мундијалот Франција - Италија.

Видеово е старо, ама ако не сте го гледате морате плеј, за да видите до каде оди налудничавоста на правење театар се со една цел, некако да се стопира играта за да не се прими гол. Сите ќе умреме друже, ама не сега и тука, дај стани и не изведувај циркуз, ова ти е скроз забеган потег.

Сте виделе ли до сега некој линиски судија да повраќа на фудбалски натпревар? А сте виделе ли за таков стомачен проблем да добие црвен картон? Се случи во Шкотска на мечот меѓу Данди и Килмарнок, на кој главниот судија ја сврте на шега.