Комити објавија видео од пред влезот на салата Боро Чурлевски на дербито меѓу Еурофарм Пелистер и Вардар. На него може да се забележи член на обезбедување претворен во силеџија кој тепа луѓе со пендрек во очи на ракометниот празник. За какво одговарање и суспендирање од работа би се правело муабет, кога на полицаецот до него не му чуе.

Револтирани и гневни од оние билмези заглавени во 19 век, со начинот на кои го славеа денот на нивното знаме, навивачите на Пелистер одговорија од Широк сокак.

Пелистер и Шкупи одиграа 0:0 во 8. коло од првата македонска лига. Домашните навивачи изненадија во еден момент и го скандираа името на починатиот навивач на Вардар, Никола Саздовски.

Дербито Вардар - Еурофарм Пелистер кое го добија домаќините 27:24, имаше убава увертира. Ја пуштија на звучки „Заветна“ на што одговорија и двете навивачки групи.

Вечните ривали Вардар и Пелистер се судрија уште во 2. коло од новата сезона во првата македонска лига. Го добија домаќините со 1:0, во прекрасна атмсофера на Градски, под рефлектори и со присуство на двете навивачки групи кои направија пиротехничко шоу. Комити како домаќини беа во драстично поголем број од Чкембари, а имаа подготвено и кореографија.

Во недела на Градски, во вечерен термин ,со почеток од 20:00 часот се игра големото дерби меѓу Вардар и Пелистер во 2. коло од новата сезона. Навивачките групи на двете екипи фино се пецнаа преку социјалните мрежи.

Еурофарм загуби на гостувањето против Вардар со 24:20, но имаат +2 во однос на ривалот, како и подобар меѓусебен скор, што значи ако не кикснат до крајот на сезоната, ќе ја одбранат титулата. Чкембари ги пречекаа и порачаа дека и оваа година ќе бидат шампиони.

И покрај големото ривалство со децении, Комити ги тргнаа фудбалот и навивањето на страна и направија убав човечки гест за пример.

Само кај нас паѓаат вакви заебанции меѓу најголемите ривали. Од една страна имаш инвентивни навивачи, од другата човек без комплекси.

МЗТ Скопје ја доби и третата пресметка против Пелистер во финалето и со тоа стигна до нова титула во македонскиот шампионат, вкупно 10-та. Гостите подобри на паркетот во салата Боро Чурлевски, а домашните навивачи поуспешни од гостинските. Се пофалија дека им здиплиле маица.

Еурофарм Пелистер не застана зад своите навивачи после инцидентите на дербито во Скопје, туку напротив ги осуди со остар речник. Чкембари им одговорија со бојкот.

Лошо почна најголемото македонското ракометно дерби меѓу Вардар и Еурофарм Пелистер во кое за среќа немаше повредени, ама и покрај хаосот забележани се фини примери како дел од навивачкиот кодекс, кои не ги прави секој.

Опасно беше синоќа од трибини да се гледа пресметката меѓу Вардар и Еурофарм Пелистер, бидејќи гостите гаѓаа во публика со факели. Се појави видео на кое се гледаат Чкембари кои како ураган влетуваат во својот сектор и веднаш почнуваат да дивејат. За сега нема информации за евентуални повредени.

Дербито од Суперлигата меѓу Вардар и Еурофарм Пелистер е во прекин во првото полувреме при резултат 13:10 за домаќините. Кога Чкембари влегоа во сала почнаа да фрлаат факели кон публиката. Комити испровоцирани влетаа на терен и почнаа да им враќаат и да ги гаѓаат со разни предмети.

Навивачите на Вардар следната недела имаат јубилеен роденден кој ќе го прослават за време на македонско босанска пријателска пресметка. Ривалите се пофалија со нивниот транспарент.

По теркот на Комити на ракометното дерби и Фемили Аеродром ги пецнаа битолчани за бугарофилство. Причината за тоа е што на отворањето на културниот центар „Ванчо Михајлов“ во Битола имало и членови на навивачката група Чкембари.

Иако насловот изгледа како да е дел од хумор и сатира, сепак се работи за навивачки кодекс кој постои и меѓу најголемите ривали.

Паралелно со трансформацијата на Еуфофарм Пелистер и убавите партии и резултати на европска сцена, во топ форма се и битолските навивачи кои прават одлична атмосфера.

Ракометната драма на терен која заврши со нерешен резултат и навивачката војна на големите ривали кои се кошкаа преку навредливи пароли, беа надополнети со симпатична иницијатива на домаќините која се покажа како успешна.

Додека Вардар и Еурофарм Пелистер биеја тешка и неизвесна битка до последна секунда, многу важна и најверојатно клучна во борбата за титулата, по долги години ривалството меѓу Комити и Чкембари можевме да го видиме и на трибините во Боро Чурлевски, со навивање и провокативни транспаренти.

Кога веќе носталгично се враќаме на тема скопско Кале и атмосферата што ја правеа навивачите на Вардар, чесно е да се напомене и можеби најдобриот амбиент во сала кога станува збор за ракометни натпревари.

За време на морето од вести поврзани со смртта на мега ѕвездата Коби Брајант, во мак фудбалот падна историска одлука. Македонските навивачки групи заедно ќе навиваат против Косово што многу не радува, плус конечно на Градски атмосферата нема да биде театар.

На 13. јуни 1993 година под „Тумбе Кафе“ во Битола требаше да се одигра големото дерби меѓу ривалите од Битола и Скопје. Поради нереди на навивачите и влегување на терен, мечот воопшто не се одигра. Кога ќе види човек колку луѓе имало тогаш на стадион, а колку денес, се прашува каде ја утнавме работата.