Новиот газда на Лидс тешко дека ќе ги освои симпатиите на навивачите. Тој е само еден месец мнозински сопственик на англискиот второлигаш и уште на стартот доби непријатен пречек кој асоцира на неговото неславно минато.
Во населбата Пролет во центарот на Скопје која изобилувала со многу маалски спортски дружби изразени преку фудбал, кошарка и пинг-понг, меѓу „пролетовата" младина се родиле и талентирани ракометари и ентузијасти од кои потекнува еден од најстарите македонски ракометни клубови.
Оваа сезона Барселона нема победено на ниту еден натпревар на кој настапија со црвено-жолтите дресови, па во Шпанија веќе почнаа да се вртат муабети за „проколнати дресови". Но тие не се единствени чии дресови биле малерозни.
Техничките спонзори на фудбалските репрезентации не внимаваат многу на нивната традиција, па така на следното Светско ќе видиме многу промени во боите на нивниот долен дел од опремата. Шпанија ги напушти победничките сини шорцеви, а Германија, Аргентина и Колумбија ќе носат исти.
Наместо стандардните зелени или бели дресови, Универзитетот Охајо реши да ги изненади своите рагбисти со црни дресови, а притоа и да ја снима нивната реакција при промоцијата. Играчите малку претераа со нивната реакција и станаа хит на интернет.
Најстариот фудбалски клуб на светот од локалната полиција доби на подарок запленети ламби за одгледување на канабис кои ќе ги користат за да си ја растат нивната трева. Не таква трева каква што вие си мислите.
Во лигите на големата петорка (Англија, Шпанија, Германија, Италија и Франција) работат вкупно 98 тренери. Најмогу има Германци и Французи, а најмалку се Англичани, но од сите 98, само еден е црнец.