Делегацијата на Европската Унија десетти пат го објавува конкурсот за наградата „Жан Моне" која им оддава признание на најдобрите авторски согледувања и размислувања за ЕУ и за нашата европска иднина. По повод јубилејот, наградата ќе биде доделена во 3 натпреварувачки категории - најдобар новинарски напис, најдобра репортерска фотографија и најдобра аматерска фотографија.
Конкурсот е отворен од 8 октомври до 8 ноември 2012. Темата на сите апликации во сите три натпреварувачки категории треба да биде поврзана со ЕУ и/или со пристапувањето на земјата кон ЕУ.
Наградите кои ќе бидат доделени во трите натпреварувачки категории вклучуваат плакета, како и парични награди од по 1000 евра за најдобриот новинарски напис и за најдобрата репортерска фотографија објавени во печатените медиуми или на домашните веб страни, односно 500 евра за најдобрата аматерска фотографија.
Повеќе информации околу тоа како може да се учествува во натпреварот можат да се најдат тука
