THE MEN доаѓаат од културниот центар на светот, Бруклин - Њујорк, и важат за едни од најценетите пост панк бендови на денешницата. Во Скопје доаѓаат во рамките на европската турнеја на која го промовираат својот нов, четврти албум по ред NEW MOON.
Бендот е формиран во 2008 година од страна на Nick Chiericozzi, Chris Hansel и Mark Perro, а пред да им се приклучи и тапанарот Rich Samis зад себе веќе имаа два одлични студиски албуми, We Are The Men и Immaculada. Подоцна се случува и третиот ултра успешен Open Your Heart албум, кој го издаваат за една од најценетите нови издавачки куќи Sacred Bones Records (Zola Jesus, Moon Duo, The Fresh & Onlys, Wymond Myles, Woods...).
Критиката одлично го прифати албумот и го оцени натпросечно (9/10 spin, 8.5/10 Best New Music pitchfork.com, 4.5/5 sputnikmusic.com, 4/5 consequenceofsound.net, 4/5 allmusic.com, 4/5 guardian.co.uk, 4/5 slantmagazine.com). Четвртиот албум New Moon излезе на 05 март 2013, повторно за Sacred Bones Records.
Реално, ова е еден од најсвежите бендови кои го посетуваат нашиот главен град во 2013 и топло ви препорачуваме да го проследите овој концерт.
Како локална поддршка ќе настапат скопските нови деца Нова Генерација. Бенд кој е директно инспириран од старите американски хардкор и треш бендови како Black Flag, MDC, Minor Threat, Bad Brains, D.R.I, Suicidal Tendencies.
Билти за концертот по 250 денари се пуштени во продажба во Југотон, 1/2 Југотон и МКЦ, а на врата (после 20:00 часот) истите ќе чинат 300 денари.
Ова е прв од низата настани кои ќе се оддржат како најава за престојниот ЗДРАВО МЛАДИ фестивал, кој е закажан за 17ти мај во МКЦ.
"Open Your Heart" @ Pitchfork Music Festival 2012
"I Saw Her Face" (видео спот)
http://wearethemen.blogspot.com/
повеќе на:
www.mkc.mk
