Како капитени на двата Ол-Стар тимови, Леброн Џејмс и Кевин Дурент го понижија довчерашниот соиграч на Дурент од Нетс и до последно не сакаа да го одберат во нивните тимови за Ол-Стар мечот.
Во еден момент нивната намера да се игнорира Харден стана толку очигледна што Леброн се смееше а во студиото NBA Inside исто гласно урлаа Шекил О’Нил, Чарлс Баркли и други стручни коментатори.
Леброн го имаше вториот пик во рундата за резервни играчи па значеше дека кај него ќе оди оној кој ќе остане. Дурент уште побезобразно кога останаа Руди Гобер и Џејмс Харден на крај, рече дека ќе му даде предност на кошаркарот кој е поголем и поснажен во одбрана, квалитети кои и не се баш многу клучни на егзибициски, ревијален натпревар, па го одбра Французинот.
Така Харден на крај заврши во тимот кај Леброн, понижен од најпознатите кошаркари на денешницата.
Ол Стар мечот е закажан за 20 февруари, во ноќта од сабота кон недела во 2 часот после полноќ.
LeBron James couldn't keep it together after Kevin Durant picked Rudy Gobert over James Harden during the #NBA All-Star draft 😬
— Sky Sports NBA (@SkySportsNBA) February 11, 2022
За тимот на капитенот Леброн ќе играат: Јанис Адетокумбо, Стеф Кари, Демар Дерозан и Никола Јокиќ. Резерви ќе бидат Џејмс Харден, Џими Батлер, Крис Пол, Донован Мичел, Лука Дончиќ, Фред Ванвилт и Дариус Гарланд.
За тимот на капитенот Дурент кој ќе го пропушти овој натпревар поради повреда ќе играат: Џоел Ембид, Џа Морент, Џејсон Тејтум, Ендрју Вигинс и Треј Јанг. Резерви ќе бидат Девин Букер, Зек Левин, Руди Гобер, Карл-Ентони Таунс, Дежонте Мареј, Крис Мидлтон и Ламело Бол.
