Се разбира никој овде не ве советува да бегате од работа и да бидете неодговорни. Апсолутно треба да давате најмногу што можете од себе, како што тоа го прават вработените во државна администрација кои се и дел од причината што исполнувањето на дневните шалтерски обврски е така пријатно искуство.
Сепак, секогаш е едно незадоволство кога само вторникот или четвртокот е неработен. Отвараш календар да видиш кои денови ќе можеш да избегаш, убедена дека наредната недела ќе одмараш три дена наместо два и го гледаш хоророт: неработниот не е петок, туку четврток. А петок е се разбира многу важен ден кај тебе на работа затоа што еден куп работа ќе завршите како една сериозна фирма и нешто не ви се спојува.
Што ти се прави во случајов? Ти се прави болна. Со тоа што не мораш да глумиш со денови кашлање, рапаво зборување и дување нос на празно.
Можеш да настапиш со трикот со маскара.
Односно, трикот без маскара.
Ви текнува на тој глуп феномен кога луѓето најчесто ве гледаат со шминка, и во еден момент кога ќе ве начекаат без, одма прашуваат да не ви е нешто?
„Што си вака чудна?”
„Да не ти се спие?”
„Нешто да не не ти е добро?”
„Аааа, некој не спиел синоќа!”
„Уморно изгледаш.”
И така натаму.
Штом така, ред е да се искористи. Идејата не е наша (како што рековме, ние сме за вредно работење), туку на Роса Листер од The Cut, и сака да каже:
Не носете маскара неколку дена.
„Знам најмалку четири жени што редовно ја користат оваа техника, со 100-процентен успех. О перфидна жено. О, ти што користиш шминка за залажување на невините. О, идиоти што мислите дека најробусниот индикатор за здравје е во бојата и спремноста на нечии трепки. Се извинувам на сите што го користат триков со години и сега мислат дека сум им ја издала финтата. Без гајле. Ќе функционира. Особено ако шефот е машко.”
Е па, пријатен продолжен викенд наредна недела.
