- Рослин Фулер за Спајкд пишува дека „освестеноста“ ја брише рационалната индивидуа и им служи на моќните елити.
- Проблемот го гледа во нешто што го нарекува woke-jacking, или доктриналната и ограничена перверзија на освестеноста што пречесто стига до насловните страници.
- Немоќни да се справат ни со најниско ниво на когнитивна дисонанца или несигурност (и двете во друштво на откривање ново интелектуално тло), луѓето што го прават ова woke-jacking имаат тенденција да преземат одредени идеи и да ги сведат на премногу поедноставен џибриш што често работи во нивна корист.
- Многу идеи настрадале од рацете на освестените, но веројатно она што најмногу страда е идентитетската политика.
- Росана Аркет која се појави во Pulp Fiction, изјави дека е „гадно“ што Тарантино во сценариото користи навредлив збор за црнци.
- Кај Тарантино ова не поминува: „Драга Росана, се надевам дека публицитетот што го добиваш од 132 различни медиуми што ти го пишуваат името и ти ја печатат сликата вреди за ова непочитување кон мене и филмот во кој се сеќавам дека беше пресреќна што учествуваш?“
- Аркет ја играше Џоди, жената на Ленс (Ерик Столц). А, Тарантино продолжува: „Дали сега се чувствуваш вака? Можно е. Откако ти дадов работа, да ги земеш парите, па сега да го плукаш филмот од, ми се чини, многу цинични причини, покажува дека немаш ни достоинство, ни чест.“
- „Главно беше година во која нонстоп ми се дереа,“ вели Лорен Вајсбергер за годината кога работела како асистентка на Ана Винтур во Вог, од која произлезе и романот „Ѓаволот носи Прада“.
- Книгата стана феномен, се претвори во филм и предизвика контроверзи - ширум светот луѓето ја сакаа, а на Менхетн, кругот на Ана Винтур се обиде да ја уништи. Вајсбергер ја сметале за неблагодарна, а книгата „може ја напишал перач на прозори“.
- Ана Винтур тогаш рече дека „се радува што ќе ја чита“ и го пофали филмот.
