- Во петокот, на фестивалот на раперот Тревис Скот, Астроворлд, загинаа 8 луѓе заради гужва, лоша организација и недоволно болничари на локација. Меѓу загинатите има 14 и 16-годишни.
- Според сведоштвата, било невозможно да се мрдне, луѓе се онесвестувале, се барало помош од обезбедувањето, но не се реагирало на време.
- Заради ова, на интернет-површината испливаа клипови од други концерти каде што музичари (од секаков тип) прекинуваат концерт макар и само за еден човек што не му е арно во публиката, или се тепа, или го малтретираат.
- Адел ја прекина Rolling in the Deep и не продолжи додека не виде дека болничарите стигнаа до девојката што се онесвестила.
- Rage Against The Machine прекинаа затоа што некој сељак ѝ ја искинал маицата на некоја девојка.
- Општиот заклучок е дека барем во еден момент да го направеле ова во петокот, можеби и не би загинале цели 8 луѓе само затоа што дошле на концерт.
- Фотографот Дерек Ц. Бласберг, денес соработник во Харперс Базар меѓу 2009 и 2012 се шетал со Канон Пауершот и го документирал светот на модата, уметноста и ноќната сцена во Њујорк.
- Книгата се вика Fast + Louche и е колекција на слики што ги правел за колумна со истиот наслов за магазинот Интервју.
- Самата колумна се развива од историјата на Интервју - Ворхол кој го има основано магазинот бил опседнат со дкокументирање на сопствените „излегувања и влегувања“.
- Книгата е сега сведоштво на едно друго комплицирано и слоевито време - далеку поедноставно од ова денес.
- Додека Лорен Безос (сегашната сопруга на Џеф Безос) се мачи да ја прифатат на холивудската и модната естрада, Мекензи Скот (бившата) се заветува дека „има да подарува додека не пресуши“.
- Ако само лани вкупните донации достигнале до 19,2 милијарди долари, скоро една третина - 7 милијарди - е од Мекензи Скот.
- Безос се ожени за неа во 1993, една година пред да го основа Амазон во нивната гаража дома. Имаат три сина и ќерка и се разделија во 2019.
- Скот, која сега има 56 години има донирано над 26 милијарди на над 2700 организации.
