- Володимир Зеленски се закани дека ќе му испрати свои луѓе на домашна адреса на Виктор Орбан, ако Унгарија не ја повлече блокадата на заемот од ЕУ за Украина од 90 милијарди евра.
- „Се надеваме дека едно лице во Европската Унија нема да ги блокира 90-те милијарди евра и дека украинските борци ќе добијат оружје. Во спротивно, адресата на ова лице ќе им ја дадеме на наши војници за да поразговараат со него на нивниот јазик“, предупреди Зеленски.
- „Овие закани и уцени отидоа далеку над секоја прифатлива граница. Ова е скандалозно. Нема место за лични емоции во вакви работи. Унгарија нема да биде заплашена и нема да подлегнеме на уцени, објави портпаролот на Орбан, Золтан Ковач.
- Будимпешта и Братислава ја обвинуваат Украина дека намерно не ја поправа штетата на нафтоводот Дружба, за да не доаѓа руска нафта до Унгарија и до Словачка. Орбан предупреди дека Унгарија ќе ги запре сите иницијативи на ЕУ за помош на Украина додека нафтоводот е блокиран.
- Масите се „излезени“ надвор од застаклените тераси на кејот и пред „Торос“ и пред „Бела виста“ и се протегаат до клупите што пред неколку години ги постави Град Скопје.
- Во Старата чаршија на уличките каде што има повеќе угостителски објекти, луѓето не можат да поминат раат по тесниот простор што е оставен помеѓу „летните тераси“.
- Безредие владее и на улица „Македонија“, каде што кафулињата постепено си се шират по еден ред повнатре на шеталиштето, а некои од нив, на пример „Студио 54“ буквално има поставено маси и столици по целата ширина на улицата.
- За давање дозволи за поставување урбана опрема на овие локации, кои воедно се најпосетени и од туристите што сѐ повеќе ги има низ Скопје, надлежен е Град Скопје. Оттаму убедуваат дека константно работат да воведат ред во поставувањето урбана опрема на улица Македонија, на кејот и во Старата чаршија и дека сè уште не се издадени дозволи за летните тераси, пишува Слободен печат.
- Бројот на имигранти во земјите од ЕУ лани достигнал историски максимум од 64,2 милиони, објави Центарот за истражување и анализа на миграцијата RFBerlin. Ова е за 2,1 милион повеќе од 2024 година и за 24 милиони повеќе отколку во 2010 година.
- Најмногу имигранти има во Германија – 18 милиони, што е за 70% повеќе отколку во 2010 година. Имигрантите сочинуваат 21% од вкупното население во Германија, од кои 72% се на работоспособна возраст. Германија, исто така, е домаќин на убедливо најголем број бегалци во ЕУ – вкупно 2,7 милиони.
- Шпанија има најбрз раст на дојденци. Нивниот број лани се зголемил за 700.000 и достигнал 9,5 милиони.
- Имигрантите во Луксембург сочинуваат дури 52% од населението, далеку над просекот во ЕУ од 14%. Во Малта ги има 32% од вкупниот број жители, во Кипар 28%, а во Австрија 23%.
- Словачка, Бугарија и Полска имаат најниско ниво на имигранти, под 5%.
- Во 2025 година, во ЕУ имало 669.365 барања за азил, што е намалување од 26,6% во споредба со 2024 година. Три четвртини од барањата се поднесени во Шпанија, Италија, Франција и Германија.
