- Од празник до празник (кој и да е, ама особено меѓу Илинден, 8 Септември и 11 Октомври), нештата одат кон – размакедончување. Конечно да се ослободиме од стравот да ги кажеме нештата со вистинско име! За 33 години не само што не изградивме држава на цврсти темели туку и ги урнавме асномските. Од државичката направивме крчма во која секој патник намерник, а и сосед ненамерник, може да прави сметки на наш државен зијан, па уште и да изигрува жртва.
- Албанците страдаат од хронична амнезија за нивниот „придонес“ во крчмата и особено за лумперајките, ама и членовите на македонските „елити“ имаат меморија колку рипката во аквариумот – им трае едно крукче на власт. И потоа одново.
- Ако ја спомнат случајно својата припадност, веднаш почнуваат да се извинуваат, па додаваат Албанци, Роми, Срби, Турци, Власи (а наскоро и Бугари, Црногорци, Хрвати, Евреи)… Менталната матрица е толку деформирана што во свеста некаде чучи еден цензор што те опоменува дека не смееш да бидеш Македонец/Македонка во Македонија. Тоа било закана и навреда за сите други…
- Полека, комшии! Чекајте, браќа и сестри! Не може веќе така.
- Помала група жители на населбата Серава денеска ја блокираа улицата Никола Карев, позната и како Пластичарска улица, затоа што од неделата немаат струја. А немаат затоа што со години неконролирано крадат струја, па им се расипал преооптоварениот трансформатор.
- „Дефектот во населбата Серава настана на 21.12.2025 (недела) како резултат на долготрајните неконтролирани кражби на електрична енергија од страна на жителите, а воедно и континуираните спречувања на екипите на Електродистрибуција во вршењето на работните активности за одржување на мрежата. Веќе подолг период, жителите на улиците Исмаил Кадаре и Кумбара го спречуваат проектот за реконструкција на мрежата и дислокација на броилата. На екипите на компанијата постојано им се упатуваат вербални закани, со што во целост им се оневозможува функционирањето“, велат од Електродистрибуција за Плусинфо.
- Во овој регион загубите на струја надминуваат 70%, а наплатата изнесува 60%.
- Неколку недели пред неговата смрт во затвор во Њујорк, Џефри Епстин се жалел дека неговиот цимер од ќелијата се обидел да го убие, се открива во новиот пакет објавени документи од обемното досие Епстин. Тој ја делел ќелијата со Николас Тартаљоне, поранешен полицаец осуден на четири доживотни робии поради четири убиства.
- Затворските стражари, исто така, неколку пати запишале дека Епстин се обидел да изврши самоубиство. Психологот, сепак, оценил дека тоа не било обид за самоубиство, туку намерен обид да привлече внимание.
- Неколку недели подоцна Епстин бил пронајден мртов. Новообјавен документ потврдува дека во ќелијата била пронајдена рачно изработена јамка. Медицинско лице и експерт од Министерството за правда извршиле преглед и заклучиле дека Епстин извршил самоубиство.
- Нема документ што објаснува зошто камерите за надгледување биле исклучени од нејасна причина неколку часа пред смртта на Епстин.
- Во новиот пакет од 30.000 документи за Доналд Трамп е спомнато само дека осум пати летал во приватниот авион на Епстин и ништо повеќе. Клинтон летал 27 пати.
