Вести › Набрзинка

Студентското собрание се извини што имало говоранции

17 март 2025

Упатија извинување до сите членови на академската заедница во врска со говорите на ректорката на УКИМ, Биљана Ангелова, и министерката за образование и наука Весна Јаневска на денешниот собир пред платото на Универзитетот „Св. Кирил и Методиј“ во Скопје, кој беше организиран по повод оддавање почит за 59 загинати во трагедијата во Кочани.
„Ова е прва наша организација од овој тип и се молиме дека ќе биде последна. Ги прифаќаме сите критики за овој и секој нареден настан, а и ние самите ги увидовме. На наредните собири нема да има никакви обраќања“, наведуваат од УСС УКИМ.

извор

Заради Регулаторна, за нови цени на горивата ќе мора да се чека понеделник

10 март 2026

На 4 март, во пресрет на очекуваното зголемување на цените на горивата, Регулаторната комисија го изменила правилникот за утврдување на цените.
РКЕ ја укинала важечката одлука од времето на пандемијата по која цените можат да се се менуваат секој ден ако промената треба да биде над два денара по литар.
По ново, цени ќе се одредуваат само в понеделник, пренесува Емагазин.

извор

САД може да укинат нафтени санкции за „некои земји“

10 март 2026

Доналд Трамп по едночасовниот телефонскиот разговор со Владимир Путин најави дека САД би можеле да укинат санкции за нафта за „некои земји“ за да го ублажат недостигот во светот поради војната на САД и Израел против Иран.
„Имаме санкции за некои земји. Ќе ги укинеме тие санкции сè додека не се отвори Ормускиот теснец“, изјави Трамп без да наведе детали.
Ова се толкува како повик за олеснување на санкциите за извозот на руска нафта. Минатата недела САД привремено ја ослободија Индија од заканата за санкции ако купува руска нафта.
Путин веќе сигнализираше дека Русија е подготвена да ја снабдува Европа со нафта и гас.
Унгарија ја повика Европската Унија веднаш да ги укине санкциите за увоз на енергенси од Русија.
„Континентот сега се соочува со двоен шок во снабдувањето... бидејќи ЕУ веќе го забрани увозот на руски енергенси. Сега, конфликтот на Блискиот Исток го намалува и глобалното снабдување. Ако Брисел ги задржи санкциите на сила, тоа ќе предизвика сериозна штета на европскиот народ и на европската економија. Фокусот треба да биде на заштитата на интересите на Европејците, а не на идеологијата“, додаде Сијарто.

извор