- Централно-левичарската премиерка на Шведска ги одби разговорите за зачленување на земјата во НАТО. „Тоа би ја загрозила северна Европа“, оценува Магдалена Андерсон.
- Тоа прашање таму го покренаа од десниот центар, за разлика од Финска каде поотворени за таа опција се од левиот центар.
- Шведска и Финска се единствени нордиско-балтички земји кои не се во НАТО. По руската инвазија на Украина, расположението за членство во алијансата е зголемено.
- Обединетите нации ја додадоа израелската Затворска служба на црната листа на ентитети обвинети за сексуално насилство во зони на конфликт за 2026 година.
- Основа за додавањето на израелските ентитети на листата е извештајот на специјалната известувачка на ОН, Алис Џил Едвардс, која собрала информации за 52 случаи за различни форми на тортура во израелски затвори, како и 33 случаи на сексуална злоупотреба. Случаите вклучуваат: „тепања, стресни пози, струјни удари, лишување од сон и гладување“.
- На оваа листа на ОН се терористички организации, а во август 2025 година беше додаден и палестински Хамас.
- Како реакција Израел ги прекина сите контакти со генералниот секретар на ОН, Антонио Гутереш. „Секој што го вклучува Израел на истата листа со терористите и силувачите на Хамас нема чувство за морал“, коментира израелскиот амбасадор во ОН, Дани Данон.
